القصيدة؛[بويَه اجيتَك]الرّادود؛[مُحَمَّد الجنَّامِيْ]
الشّاعر ؛[وسّام الشّويلي ]
~~~~~~~~~~~~~~~~~~~~~~~~
نعش دمع هذا المسه مهضومه اجيتك
كسر ضلع يا والدي جازوا وصيتك
احچيلك الصــار … وبصّدري مسّمار
بويه جيتـَك
~~~~~~~~~~~~~~~~~~~~~~~~
نَعش مَرّفوع يُمطر دموع
شايلين جنازتي جروح ومصّايب
جَسّد متعوب ارويحتي تلوب
لاگي حَيدرْ شوفه هالمسّه شچايب
الك جايبني علي مَيته بسسب عَذابي
مو ثگل جسّمي انحنّه ظهره بثگل مُصّابي
بويه عُمري اثمنطعش كسروا غصن شَبابي
احس عَلي شبع قَهر مِنْ الشّماتَه
حفر إلي گَبر بده يدّفن حَياتّه
كل حَيله منهار … وبصّدري مسّمار
بويَّه جيْتَّكْ
~~~~~~~~~~~~~~~~~~~~~~~~
بويه احاچيك .. مدّلي إيديك
استلمني منْ عَلي آنه الوديعه
لاچن وياي بويه بهدّاي
تره صدري مرضرض جروحي وسيعه
على گيفك لو ردت تشبگني لو تضّمني
جسّمي من گَدْ مَا تَعب حَتى الچفن لچمني
بويه طشرّني الهَضم بس الگبر يلمنّي
وَسط گبر بويه صفت راحة منّامي
وانه انتظر يمشّي علي وابدي كَلامي
شلون الوَكت جار … وبصّدري مسّمارْ
بويَّه جيْتَّكْ
~~~~~~~~~~~~~~~~~~~~~~~~
گَبل لتشّوف صدر مَخسّوف
شوف عيني صارت من السّطره حَمره
بنيتك تلوع صوت مَطبوع
عَلى چفوف الشاگفت بيهن الزّمره
بويه اول ما هجم دَفعة حقد دفعني
حيل زاد بعصّرته لَمّن اون سمعني
الباب بضلوعي انطبگ بسّمار احس لسعني
الم صحت مو يا علي يا فضه لحگي
آنه طحت طاح الطّفل لوليدي شُبگي
لا تاخذّه النّار … وبصّدري مسّمار
بويَّه جيْتَّكْ
~~~~~~~~~~~~~~~~~~~~~~~~
الگ شَگواي … والحچي اهواي
وما تُخلّص قُصّتي شما ردتْ احچي
فوگ فركاك والضّلع ذاك
يمنعوني من اريد عليگ ابچي
ما اسولف عَنْ فدگ عدمن صفّه وَضعها
شچرة چانت يَمّها اجي وعينّي تُصّب دَمعها
لأن بيها استظل بويه اجه وگطعها
عَلي بنّه بيت الحزن بيه يبّاري
لان انه ابچي هَضّم ليل ونهَارّي
هضّموني الاشّرار … وبصّدري مسّمار
بويَّه جيْتَّكْ
~~~~~~~~~~~~~~~~~~~~~~~~
گلبي مبتور … متانيَّ الموت
رَغم ما بالموت افارگ أعز ناسي
مِنْ الاجراح رايدّه ارتاح
كلشي يلچم حَتى لو حَرگت راسّي
متت واعلى المغتّسل گلب السّمه فطرته
شابگه حسّين وحسّن يابويه وانه ميتّه
وعلي من شاف الضلع كَسرة هَضم كسرته
كعد حزن ونعادت بروحه الهضيمه
وانه اون بويه عفت زينب يتيمه
ظَل عَلي محتّار وبصّدري مسّمار
بويَّه جيْتَّكْ
~~~~~~~~~~~~~~~~~~~~~~~
~~~~~~~~~~~~~~~~~~~~~~~~
رد مع اقتباس
