اسم القصيدة: شمس الهداية
شمس الهداية
نور الولاية
حيدر اميري وروحي فداه
داعي الشريعة
والحب صنيعه
مالك وجودي ومالي سواه
بالذر وارفعت جفي وصحت ع الفطرة مو تلقين
سيف الله علي هو الولي وابنائه سور الدين
هيمن ع الكلب غذاني حب ماي انعجن بالطين
علي مدعاة الفخر والكبرياء
والنجاة لل بالأرض وال بالسماء
علي باء البسملة يعني اكيد
ما تصح البسملة لو ماكو باء
بالحياة عدل واذا بالقبر وإلا بالحشر صوتي يعتلي
سيدي علي امامي علي فثم علي فثم علي
____
باب الطهارة
الحق ومداره
الباري صفاته تجلت بي
درب الحقيقة
موحش طريقه
العنده عقيدة فقط يمشيه
آية(هل أتى) وال(لا فتى)بيهن علي المقصود
باب لكل علم هو الشهم هو الكرم والجود
بكل أرض وسما حامي الحمى وي كل نبي موجود
بكل زمان الأنبياء والمرسلين
جان وياهم علي ناصح أمين
شما يمرون بمصيبة وابتلاء
صاحوا احضر يا امير المؤمنين
طاهر الأصل بالفخر أحس حاضري وأمس ومستقبلي
سيدي علي امامي علي فثم علي فثم علي
____
الفطرة الصحيحة
ودين النصيحة
وأئمن حبل تنمد له الايد
الحجة الرصينة
وافضل قرينة
حب الوصي ودين التوحيد
اليعبد الله ما يبرأ عماه إلا بضوه الكرار
كل عابد عبد ربه وسجد لوما علي ما صار
اليؤمن بي سكن جنة عدن والي يشك بالنار
عدنا مبدأ علي نور الله بسماه
غير قابل للطعن والإشتباه
علي وجه الله واحنا مسلمين
وي ما ننطي وجه نلكى ضواه
احجي بالعقل وإلا عاطفة صرخة الوفا ورثي من هلي
سيدي علي امامي علي فثم علي فثم علي
____
كنز القناعة
وطود الشجاعة
فارس ميادين الهيجاء
واهل المهابة
تحسب حسابه
يكفي ترس عين الزهراء
لو طب للوغى وهز بيرغه تبرك رجال وخيل
لو الف ابن ود هم ما يرد هيج الله منطيه حيل
مو نجم الظهر راوى الكفر وجه الشمس بالليل
ايد رب الكون فوك ايد العبيد
وحاشا ان نكول الله عنده ايد
وخلق حيدر بيه يذل اهل النفاق
يمحي بيه كل شي ويثبت ما يريد
والنكر قبل هسة هم نكر كلهم بسقر والنجاة الي
سيدي علي امامي علي فثم علي فثم علي
____
رد مع اقتباس
