هنا

[NAZ‌]

اسم القصيدة: اهلي سموني رقية

انا من طيحة خيمنا
واسمعت جلمة سبية
حرت للصاح التفتله
لو اكولن مو عليه
انا شعليه بقصدهم
اهلي سموني رقية
إسمي مو بيد الأجانب
تنسبي المو هاشمية

نفرض اهلنا مو بالاحياء
شعليه غريب يغير الاسماء؟
ابقى رقية وبنت الحسين
مو بت سبي يسميني من شاء

رقية..هذا اسم حبيته ومن اهلي تلكيته
رقية.. اسمي ابوي اختاره مو انا اختاريته
رقية.. ما اقبل مسبية يتبدل تاليته
رقية.. رقية

الناس ليش تشد اديه؟
وين ابوي ورقة ايده
انا اريد امشي بوقاري
مشي الغصبً ما اريده
ما يصير اترك حبلهم
يحدد المشية الجديدة
ليش تتبدل حياتي
وانا يمك مو بعيدة

صعبة اكول تغير الحال
واقبل اديه تلبس حبال
وامشي ويغطي وجهي التراب
ما لاگ التراب بوجه الاطفال

سبية.. ما اعرف معناها والوادم يحجوها
سبية.. كلت ما قصدوني بس ايدي جتفوها
سبية.. وانا بتك بوية مو انا اليسبوها
سبية.. رقية


احجي محد يستمع لي
طاحت ورخصت چلمتي
لأن روحي ما مصدكة
بصدري خنكوها عبرتي
طفلة واليهضمني اكثر
بخدي مذبوحة دمعتي
اذن ما يحتاج كلبي
ومن يحن كلولي اسكتي

درب الصبر ياهل الصبر وين
كل ذكرياتي دموع بالعين
عايش ابوي ببالي عطشان
والماي اجاني وماكو الحسين

بجيتك... كون اضم دمعاتي وعبراتي مجبورة
بچيتك.. تبين الهضمة لمن تبجي المكسورة
بچيتك... كل خرابة اسكنها بالخفية ومعذورة
بچيتك..بچيتك

الدرب ماشيته كوة
وجنت اكبر وي عذابك
كلت لابد نلكى مسكن
حتى لو جانت خرابة
جنت اريد افرغ يبوية
ابجي للطول غيابه
كثر ما صب جفني بيها
شفت وجهي على الترابة

بوجهي تلكى وحشة غروب
وحبالي رطبة تبقى چم دوب
حاولت انام وجرحي ما نام
نومه عذاب الهجر محبوب

سهرته.. ليل غربة وطفلة مجروحة بهجرانك
سهرته... شوكت انام واحلم تاخذني باحضانك
سهرته.. ليل ما بيه رحمة من حركة صيوانك
سهرته... سهرته

هاي جم ليلة بسفرنا
وجفني ما نام على فرگة
عيوني تندار على اديه
شسوه بوية جفوفي زركة
الخرابة استوحشتني
والنفس بالكوة اشهكه
نار بيه وعندي حلها
تطفى ناره المات حركة

طفلة واساهر ليلي ويطول
اغفى وتجي باحلامي الخيول
اكعد واكمل النوح بالنوح
بوية اليغربه الليل شيكول

تجيني.. بوية كافي دخيلك نومني احتاجيتك
تجيني.. نحر وانطيه روحي بدموعي متانيتك
تجيني.. رد اشبك راسك واتلمس حنيتك
تجيني..

[ســـــجـــــودي ﹩ʝ☹]

عشتي

[NAZ‌]

نورت