كل المخيم ياگمر للمشرعه يدير النظر
يانور من خيامه غاب الماي من دونك سراب
شأخرك شنهي الامر درب النهر مو هالكثر
مو ماي طمنه بجواب من دونك سراب
صديت خوية اعله الدرب تعود!!
هلبت تعود...قلقانه وانتظر
بالماي يحلم جم طفل عليك
عينه عليك...ذابحهم الظهر
عطشان لكن من رحت بجاك
گلبي البجاك ... ضل عايش بجمر
شبطاك ياعمود اهلنه بحماك ياعباس كلنه
انجانك ماترجعنه ضعنه عگب عيناك ضعنه
ويلاه يبوفاضل يخويه...ويلاه يبوفاضل يخويه
............................... ...... . ........... .....
ضلك على خيامك ذره ياخوية الك عازه ترى
لا گالها الله على جفاك نموت كل احنه وراك
يالشوفتك للضامي ماي محتاجتك كسرة فياي
كسرة ظهر صرت لحماي نموت كل احنه وراك
مذبوح گلب اختك ترى بجفاك
يذبح جفاك ...ارجع ياابالفضل
مفجوع هذا مخيمك غريب
عگبك غريب...من تمشي يشتعل
صهيلهم لمن صرت بعيد
شافك بعيد ...ضل يگرب الصهيل
ياخوي يالعندك غلاتي يمروره المرت لهاتي
تخلاش من دونك حياتي ويسبوني انا وبناتي
ويلاه يبوفاضل يخويه...ويلاه يبوفاضل يخويه
............................... ...... . ........... .....
شان اسمي وي طولك حلى من تصير يمه تجمله
اخت الگمر احلا اسمي جان وياك يالضلك امان
وي فگدتك افگد اسم وتحوط اخيامي زلم
مذبوحه ريت وموتي حان وياك يالطولك امان
صار گالولي العلم يميل
يعود ويميل...گلب اختك انخمش
شو صرت وانا بلخيم اطيح اوكف واطيح
وكل حيلي ارتعش
عوف ياخوية النهر تعال
فدوه تعال...نتحمل العطش
يارايتي وهيبه عزوتي ياكافلي من بين اخوتي
مبحوح صار اعليك صوتي يكون وياك موتي
ويلاه يبوفاضل يخويه...ويلاه يبوفاضل يخويه
............................... ...... . ........... .....
مدري شلجم گلبي وصحت ها يابعد گلبي طحت
يالبلخيم طولك ربيع نضيع من تمشي نضيع
جوله اسمعت يم الخيم واتاكدت طاح العلم
ياسور هيبتنا المنيع نضيع من تمشي نضيع
وتصيح ضلت عايله بحماك
كلنه بحماك ...وع الجيه ناظرة
تروح بفراگك ترى الخيام
هاي الخيام...نار الها حاضره
مابين فگدك والعطش دلال
ضاع بحبال ...بطفالي دايره
مشكور ياليث العشيرة مشكور يانيشان غيره
ماگصرت بس الوكت دار وتمست المكفوله اسيره
ويلاه يبوفاضل يخويه...ويلاه يبوفاضل يخويه
............................... ...... . ........... .....
الملا: محمد باقر الخاقاني
الشاعر:كرار المحمداوي
اسم القصيده: كل المخيم يا كمر
رد مع اقتباس
