اسم القصيدة دمعة الرباب
يا حسين بدمعة الرباب وعرس الشباب
جيت بألم
انا عايش وانت ع التراب بدم الخضاب
وانا بندم
يلوموني ابجي دمع
لو بيدي اكسر ضلع
كل همي ام الحسين
خليني وياها انجمع
(حسين حبيب يا مولاي حسين حبيب يا مولاي حسين غريب يا مولاي)
حگه عابس جننه الجنون، نور العيون شافت عجب
بنظرة منك تنخلق جنان.. حبك أمان..يطفي اللهب
من عابس خذنا الدرس
كل نظرة لعينك شمس
عبادك جن وإنس
مرهونة بيك كل نفس
(حسين حبيب يا مولاي حسين حبيب يا مولاي حسين غريب يا مولاي)
انا بالذر اندبك حسين أنت الحنين دونك أضيع
خادم بتعزيتك ارد اصير عبد وأسير بجاه الرضيع
احسبني من الخدم
بلياها ابقى بندم
كل دمعة لحرك الخيم
وسنيني ترفع علم
(حسين حبيب يا مولاي حسين حبيب يا مولاي حسين غريب يا مولاي)
انا ادري واقع الحساب وكل العذاب و وادي سقر
للي ما هل دمعة للرضيع وجسم الصريع وذاك النحر
الما شايل طف كربله
كلبه وسبي العايلة
الجنة لا مو اله
يترافگ وي حرملة
(حسين حبيب يا مولاي حسين حبيب يا مولاي حسين غريب يا مولاي)
رد مع اقتباس
