يوم تبديل العلم جينه نقسملك قسم
مانعوفك ياحسين....مانعوفك
حسين ياقصة عشك محد فهم معناها
منحرم اية دمع طول الزمن نقراها
رايتك فوگ العرش رب السما علاها
جينه نكتبلك عهد كربلا ماننساها
دنيا من دونك عدم.....جينه نقسملك قسم
مانعوفك ياحسين....مانعوفك
يوم تبديل العلم جينه نقسملك قسم
مانعوفك ياحسين....مانعوفك
.................................................. ...
يارسول التضحيه صار الرمح معراجك
من عطش غصن الدمع رويته من اوداجك
صار تاج الدين الك لمن تسلب تاجك
يابحر وبكل گلب يتلاطمن امواجك
ياملك واحنه خدم ...جينه نقسملك قسم
مانعوفك ياحسين....مانعوفك
يوم تبديل العلم جينه نقسملك قسم
مانعوفك ياحسين....مانعوفك
.................................................. ...
هذا عاشورك يضل صورة حزن مرسومه
بكل محرم يعتلي صوت المحب بهمومه
يامحمد ياعلي يافاطمة المظلومه
حسين ماننسى ابد لا والنحر ودمومه
بكل يهتف نعم ...جينه نقسملك قسم
مانعوفك ياحسين....مانعوفك
يوم تبديل العلم جينه نقسملك قسم
مانعوفك ياحسين....مانعوفك
.................................................. ...
رفعنه رايه بگبتك سوده ودمعنه نسيله
جينه يم راعي العلم ضيم الزمن نشكيله
سمعنه سبع الگنطره يبجي وتهدم حيله
يگول زينب من رفع يمها العلم هليله
بزينب وحرگ الخيم ...جينه نقسملك قسم
مانعوفك ياحسين....مانعوفك
يوم تبديل العلم جينه نقسملك قسم
مانعوفك ياحسين....مانعوفك
.................................................. ...
بين هلال الحزن شهر المصايب جانه
منك نريد المدد للخدمه يامولانا
احنه ماناسيك ابد يالندري ما تنسانا
لو قرينالك نعي تحضر الزهره ويانا
وبضلعها الي نهشم...جينه نقسملك قسم
مانعوفك ياحسين....مانعوفك
يوم تبديل العلم جينه نقسملك قسم
مانعوفك ياحسين....مانعوفك
.................................................. ...
الملا: باسم الكربلائي
الشاعر: كرار حسين الكربلائي
اسم القصيده: ما نعوفك
رد مع اقتباس
