دلال حسين ماي ومن تبده...وحادي النوگ ع الوادي تعده
صفيه وخوله والطفله رقيه...خوات تلاثه صعدن ناگه وحده
طلعن من خيمهن والوكت حار...من نار المخيم طلعن لنار
شمس الغاضربه تذوب الحيل....والصعدن هزيله جانن صغار
ع الناگه الهزيله شهل مصيبه.....سليبه تنود وتنشاغ سليبه
كلما تعثر الناگه بدربهن ....غريبه تميل وتلوذ بغريبه
كلما تعثر الناكه وحمل مال....الطفله التوگع بيا ايد تنشال
بس زينب غريبه وكفلت ضعون.....ولا رايه العليها وماكو كفال
خوله تكل لختهه الحادي شيريد....ماخذنه عله نوگ الهزل بعيد
عفنه حسين ابونا وعمنه عباس....وضاعت وي اهالينا المواعيد
مانرجع بعد چنه الوكت كال...من شفنه عله دينه التفت حبال
من عدها وعرفنه النايبه تريد...من ضعن الهواشم تاخذ اطفاال
تعبن من حدي النوگ الهزيلات....ويا حال الغريبه البلفلا تبات
يگضنه النهار بحسره واليل....موت ورافگ ضعون الغريبات
خوله تموت وتفارگ صفيه.... صفيه تموت وتفارك رقيه
ااه من السبي. وذيج العذابات ....سبيه تسلم لموت لسبيه
:::::::::::::::::::::::::::::::::::::::::::::::::: ::::::::::::::::
خادم الحسين: :سيد سلام الحسيني
اسم القصيده:: دلال حسين
رد مع اقتباس
