يم النهر رف ياعلم وارسم امان اعله الخيم
لا نعطش وننسه النهر خلينه نتنفس شيم
يالعالي بجفوف الگمر وحسين الك دار النظر
لو شافك شويه ملت مال من ابو اليمه الظهر
بخيمة عطاشة شجم گلب يرد عمه بالجود انتظر
صار الظهر عن جيته ياهو اليبشرنه بخبر
لا ياعلم لا تنحجب نريد الهوه المنك يهب
تبعد تعطش عايله من شوفتك نشرب عذب
ياعلمنا اليوازن حربنا...ياهوانا ويماي بگلبنه
نبقى بالدنيا بعدك ضمايا...بلضمه نعيش وان ماي شربنا
يابوفاضل يراية خيمنه....يابوفاضل. يراية خيمنه
.................................................. ...
آمن يجيبك للخدر آمن عله المضطر يمر
وترجع عله الخدر ضوه تدعيلك اخيامي
شكثر
يمجمل الوان السما هيبة مضرنا وهاشمه
من فاطمة وحيدر علي بضلك مشت جم فاطمة
صرت شحلاتي بيمنته عباس اخوي وطلته
عباس ياوجه الصبح آمن ضعنه بشيمته
جفني يعاين مارمش وناشدتك وگلبي ارتعش
رد خل يرد ماي الوجه خل مايجي ماي العطش
نصبر اعله العطش وانته سالم من رفيفك نشم النسايم
بيرغ اهلي ويضل عالي زودك شأغله منك وترف ع الهواشم
يابوفاضل يراية خيمنه....يابوفاضل. يراية خيمنه
.................................................. ...
رف خلي اگولن كافلي واسمع جواب ادللي
يالتحله بجفوفه شكثر حاجيني يابريغ هلي
ضعن الهواشم ماحله الا وابوفاضل اله
گدامه يمشي برايته محلي الضعن ومدلله
خل ضعني هيبة اعله الارض مامختلف مثل اول
خلهه اعله بالك لو طحت تكسر عشيره بكربلا
كونك خذاك العلگمي تهدم عليه مخيمي
لا. لا تگلي اعله النهر طاح الوجود الهاشمي
حسين اخوي انحنه ظهره ونحل
ردله طوله عدل مثل الاول
ردنا عباس يرد للمخيم مو ع الماي
عله ايمينه نسئل
يابوفاضل يراية خيمنه....يابوفاضل. يراية خيمنه
.................................................. ...
حسينا مو نفس الهوه انا وابوالاكبر سوه
شفته نخطف لونه وگلت ها خويه ماشفته الوه
ها خويه المن دمعتك ها خويه طاحت رايتك
ماضل بعد عندك اخو ياضيعتي وياكسرتك
هلساعه كل هاشم طفت يحسين حانت غربتك
وحدك بگيت بكربلا وصرت انا اقدم مهرتك
حيلك يبوالاكبر ركد ماضل اخو لا ضل ولد
خلصنا حجينا اعله النهر ضاعت بعد بني هاشم بعد
ياغربتك يخويه وبلوتك ساحت الطف خلت من اخوتك
من اسمعت يااخي ادرك عضيدك خويه عباس
صحت باعله صوتك
يابوفاضل يراية خيمنه....يابوفاضل. يراية خيمنه
.................................................. ...
الخيل العدو گرب صهل نتلفت نتاني نهل
احتوشو علينا بكل كتر ياعازتك ياابالفضل
كثرت عله حسين العده ضل ظهره خالي لوحده
اليسره اعله خاصرته ومشه وباليمنه شاله مهنده
هد وكسر گلب العدو حال اعله وادم ماسده
توجع فزعته المنظهم حيل الهضيمة تفرهده
يمه انتخه بمدمع ندي هنا يلعفتني لوحدي
صاح وبجه اعليه الحجر مو هسه يابن والدي
هايخويه عضيدك تركته الدنيا كلهه تروح الا انته
ياعزم حيلي يالبيك اسولف يم عدو ظهر اخيك كسرته
يابوفاضل يراية خيمنه....يابوفاضل. يراية خيمنه
.................................................. ...
الملا:محمد باقر الخاقاني
اسم القصيدة: رف يا علم
رد مع اقتباس