ارض وسما حب فاطمة ربك خلق من مكرمه
لوما وجود الزهراء هالدنيا ماسواها
يالائمي بحب الزجية تصبر
اقرا حديث اهل الكساء واتفكر
من سئل جبرائيل رب شفسر
من بالعبا وشجاوبه؟بيها ابتده الرب مطلبة
هم فاطمة ياجبريل وجان النبي وياها
الملحد ومسلم عندي نفس الصوره
لوما يوالي فاطمة المنصوره
جي بيها ربك ظهر امره ونوره
بيها استقر نوره وظهر. والما يوليها كفر
مو الله يعبد والله المسلم الما والها
هالدنيا طالت كصرت نعبرها هي الامور تبين باخرها
شمحلاها باجر والله يكشف سرها
يوم الحشر يصير الامر غضوا لكِ فاطمة تمر
ع العرش تمشي الزهراء وكل الخلق جواها
شمحلاها من البشر. تستنگينه
طير ويدور وين حبة الزينه
التختاره باجر. فاطمة تگر عينه
تاشر علي ويشيل اديه هذا الموالي الترضى بي
يفتخر مابين الناس بس فكر شمحلاها
الدنيا والاخره انطيها بنظرة
بالمحشر من تصد عليه الزهره
وتگول اعرفه هذا خلص عمره
خادم الي ويحب علي ودموعه لحسين تهلي
بالمأتم ينوح وياي سنينه بجي گضاها
الماعنده حب الزهره گلي شيملك
يشك بنبوة كل نبي البيها يشك
حبل الوصل والما يمسكه شيمسك
يعيش بوهم لو زل جدم. ولاحبل خدمتها شلزم؟
المايتعصم بام حسين روحه بسقر مثواها
................................................
الملا: محمد باقر الخاقاني
الشاعر: انور الموسوري
اسم القصيده:حب فاطمة
رد مع اقتباس