تخطت جم جسد ع الغبره مطروح
واجت عنده الزجية بصوت مبحوح
ونعت يمه نواعيي تطلع الروح
وتگله امك انا دكعد يمذبوح
مايحاجيها..حجت وي نحر ابنها...مايحجايهه..!!
حسين......حسين......حسين.....حسين
.................................................. ....
اجيتك والهه ودمعاتي بالعين
ادورك يالولد بين المطاعين
انجان البيك تحجي احجي يحسين!!
احجي وكلي وين يوجعك وين
مو الك هاي..النومه اعله الترايب..مو الك هاي!!
حسين......حسين......حسين.....حسين
.................................................. ....
يهل فوگ التراب مسبل ايدك
اگعد خل اشوف شكم جرح بيك
حتى بروحي يوليدي اداويك
واگطر ماي بشفافك وارويك
من دمع عيني ...اگعد خلك اشربك..من دمع عيني
حسين......حسين......حسين.....حسين
.................................................. ....
تعينك حزينه بعثرة اجدام
اريد افرش عباتي حدرك ونام
يمن گلب الزجية عليك محتام
اشبگك جيف وانتَ مترس سهام
وكتي خلاني...احير شلون اشبگه....وكتي خلاني
حسين......حسين......حسين.....حسين
.................................................. ....
يهل مسلوب ومغطيك التراب
وگلبك ع الخيم والـ بالخيم ذاب
تريد اليفزع ويحميها الاطناب
فزعوا بس فزعهم جان سلاب
تريد حاميها...فزعوا والخيام...تريد حاميها!!
حسين......حسين......حسين.....حسين
.................................................. ....
الملا: حيدر البياتي
الشاعر:منتظر الجنابي
اسم القصيده: ما يحاجيها
رد مع اقتباس