ياهو اليطمن گلبي لو صار ينشدني عنكم
ماعندي هدهد حتى الأخبار توصلني منكم
______________________________
يالشايلين من الوطن وبهاي الضعون
وشهالمسيره
غرب ضعنكم وابتعد عن شوف العيون وانوى لمصيره
ما وچدت من اليروحون حتى استشيره
فرفحت روحي ولا وگف لا دار العيون
شيخ العشيره
فوگ الهوادج اشوف امچاني خالي
وظليت اباري وعسى ايگلي تعالي
تتبده من اعيوني الاعذار لو ردت اگلكم
ماعندي هدهد حتى الأخبار توصلني منكم
______________________________
ريض صحتله وما وگفت حدايّ الضعون واشتد رحيله
وياكم اخذوني صحت يولاد عدنان واهل الثجيله
وآه ياضعنكم من مشه وشماخذ ويا دون العليله
وين الگبل لو سيروا ع الگلب خطار يبرد غليله
رفن دليلي وبيارغكم سويه
وهالروحه چنها بعد مابيها جيه
ها ياهلي العفتوني بالدار ناگص حملكم
ماعندي هدهد حتى الأخبار توصلني منكم
______________________________
مو حلوه وكلكم ياهلي غفله تشيلون من المدينه
معقوله كل هذا البچي وماجاس الگلوب شوگ الحنينه
يستانس ابيش الگلب لو ماتردون ويهجع ونينه
ماحاسبه حسابي گبل يهجرني ويروح اغفه اعله ادينه
وشنهي الرسايل تطمني عنكم
ماتشبع اعيوني الا بنظرة منكم
تاخذني وترد بيه الافكار وابقى ابـ املكم
ماعندي هدهد حتى الأخبار توصلني منكم
______________________________
مكسور گلبي الما كسر يوم الگلوب عشت إنكساري
چا هيچي صارت من هَلي ما ردلي مكتوب وانا اعله ناري
تعصرني روحي اشما كسر بعيوني الغروب واگعد واباري
ثاري اليفارگ كل هله يگضيها متعوب بالدنيه ثاري
لچمه اعله لچمه ومصيبه ابسد مصيبه
وراحوا الچانوا دوه اجروحي الغريبه
يالي مشيتوا ازغار وكبار مشتاگتلكم
ماعندي هدهد حتى الأخبار توصلني منكم
______________________________
يولاد هاشم مابقه منكم ولا حيد والدار خالي
ولسه ابسوالف طعم انساهن شلون حلو الليالي
مو بس على وجهي انرسم لون التجاعيد حتى ابخيالي
وتشيط روحي اشما سولفت روحي اعله العزاز والعدها غالي
عيني ابدمعها والاخرى تباري بيكم
مشتاگتلكم هلّي المالح حچيكم
المن ادير اعيوني واندار عفتوني كلكم
ماعندي هدهد حتى الأخبار توصلني منكم
______________________________
فارغ مچاني ابمحملي دون المحاميل واتنخى بيكم
وياكم اخذوني انچتف وانطگ بالسياط وامشي بسبيكم
من هسه اشوف امراكض الماعدها الحسين فزعت عليكم
ومن هسه اشوف ابكربله كلكم مچاتيل ومسلبيكم
من هسه اشوف الخيم محروگه كلها
من هسه زينب ترد ابـــلايه اهلها
ومن هسه اشوف امراكض النار بخيام اختكم
ماعندي هدهد حتى الأخبار توصلني منكم
______________________________
كـلمـات : علي الاكبر الغُرابي
كِتابه: zhralobaidi
_______________________________
MP3
تحميل|إستماع
رد مع اقتباس
المشاركة الأصلية كتبت بواسطة ســـــجـــــودي ﹩ʝ☹
