جروحي كلفات..
.........................
شداوي والجروح البيه..
كلفات..
ياهو الي امرله ايصيح أحاه..
اجيهن بالسره..
وتيهت ال حساب..
نسيت المنهن اول وين الكاه..
يدافن كلهن..
حاير اشلون..
وكل اصحابي تشكي منهو انخاه..
مو فزعه..
ولان الألم بالروح..
ياهو الي اشوفه همومه وياه..
عن حاله وبلوعه..
يسولف البي..
واعرف احجايته من جور دنياه..
وتمر الليالي..
هوايه صعبات..
واحس ريل العمر مسرع بممشاه
اصبر الروح دوم..
مساهر الليل..
يهيج الألم بيه وضايع ادواه..
اهم روحي اله..
وافزعله بالحال..
بس الوكت عمدا كطع ارشاه..
وابير العمر..
ماظل بعد ماي..
والضامي بالصحره ينادي ويلاه..
اذكرني يصاحب..
يوم ال وداع..
وانه الماشاف فرحه بصيفه وشتاه..
.................................................. ......
بقلم الدغاري ٣ تموز ٢٠٢٤
رد مع اقتباس
المشاركة الأصلية كتبت بواسطة سمراء من قوم عيسى
