غريب ابا عبدالله
سليب ابا عبدالله
مديت اديه الك من غربتك مستحي
متغرب ودنيتي فرتني فر الرحي
بس انت تعرفني شبيه مابيه
انه الما ينام الا اعلى لطميه
انه الدمعتي اباب الحسينيه
انه الاتمنه امي تمشي مسبيه
چملني من جروحك فوگ جروحي
ماريدن شي يگطع عنك نوحي
اتمنى بشباچك تطلع روحي
غريب ابا عبدالله
سليب ابا عبدالله
احمل ذنوب واجي
واترس خيامك جمر
مفضوح اطب الحضرتك
بس انت صاحب ستر
ماكو شي بالدنيا بعد يحلالي
بس عطفك اريدة لو ضعف حالي
يا غالي ودمعتي فدوه للغالي
يلماعندي غيرك اول وتالي
معذور شما ابعد وهجر ناسي
بس انت التستاهل هذا احساسي
يا مالك كل روحي وهايه انفاسي
غريب ابا عبدالله
سليب ابا عبدالله
بيمن الوذن بعد
يالماكو غيرك الي
صح انه عندي اهل
بس انت احن من أهلي
هاي المره اجيتك من صدگ نادم
من طبع الأمير يسامح الخادم
يا اول غريب بزحمة الوادم
بس بمجلسك هذا العگل هايم
سامحني وخليني اندل دروبي
يا روحي وسلطاني ويا محبوبي
يلصارن وياك اهوايه اذنوبي
غريب ابا عبدالله
سليب ابا عبدالله
هنياله يا سيدي
اليتسمه خادم الك
اول ربح بالگبر
بعبر سؤال الملك
من زار الحسين وعارف بحقه
يطلب ما يشاء وربك يرزقه
الله ينطي عبده بنيته وصدقه
هنياله البگبره واسمك ينطقه
من الطم كون افهم جرح العاشر
كون تدگ بضلوعي كلمة حافر
بالمجلس كون ابچي بكسرة خاطر
رد مع اقتباس
المشاركة الأصلية كتبت بواسطة علي الوائلي
