درر العراق

Hev ' · 4/July/2024

...

من طائفة شيعية دعوة لكل قوميه
كربلا منهجي تنتظر اليجي صوت الإنسانية

دگ جرس انذار صرخة دار تحمل ثار قادة
بكربلة قد حان صوت أذان للأديان نادة
والخبر الهام من الإسلام لكل اقوام العالم
بلغة القرآن لكل اديان انتم اخوان من آدم
كلشي حسب تكوينه خل يجي واحنه نعينة
دعوه لكل وفي مو حچي طائفي
بل حچي مصداقية

..

بس فكر زين وافتح عين شوف حسين بينه
جاب السبعين كلمن دين حتى يعين دينة
رافضي وياه نصراني دعاه ناذرها دما بطفوفه
يعني اخو عباس بهلمقياس لكل الناس نشوفه
مو مهم شقوميته المهم انسانيته
بكربلة موقفه ولكل طائفة
فاتح باب الجية

..

كل حچي مدروس حب متروس للهندوس دعوه
دين التوحيد منه يريد ايد بأيد اخوة
زرادتشتي هنا صابئي نرعاه كل فئة ويا ربحانه
بنگلادشي ادعي سني احيي يا مرحبا بي ويانه
هذا حدث تاريخي بوذي بهائي وسيخي
تحتوي كربلاء اصناف الملا
والتفرقه ماهيه

..

مبدئي مرهون مو عاللون حاشة يكون فوضه
بمذهبي موجود شيعة هنود بيض وسود يرضى
روحانيين افريقين تصير افياي الحضره
زوتشي وياي ايزيدي الجاي تصير افياي الحضره
ذاك مسيحي انريده عيسى ايزورة بأيدة
اعجمي اجنبي مبدأ مذهبي
تقديس الحرية

..

باچر عاشور كلها اتزور والجمهور واحد
مابينه الگال هذا منين درب حسين شاهد
اي والقرآن الشيعة هنا احنا الانسان انعشگه
خل كلهه تشوف اعله المكشوف اثنين اچفوف اتشبكه
احلى لقاء انساني الراهب والسيستاني
ملتقى ممتلئ حب عيسى وعلي
يم اعظم شخصية

كلمات الشاعر | امان شهيد المرشدي
اداء الرادود | خضر عباس

تحميل MP3