بعد النبي القصة تبدي واعظم صورها التعدي
بصنع مشروعية للدم..!
من الفتوحات البدوها دار الزجية احرگوها
وضلع من عدها تهشم..!
الله شرع ثم تمم دينه بولاية حيدر الصميده
هم نسفوا شرعة الله وهتكوا خدر بنت النبي الوحيده
وسيد الناس وملكها عافوا وحيد ونصبوا عبيده
اول انجاز ابتداوا بي للاسلام
على العتبه ذبحوا الام والطفل
زاحوا اهل القيم واصحاب المقام
اسسوا دين وحضاره للقتل
وخلوا بكل هاشمي وهاشميه مصاب...
لكل جرح لـ ال النبي اصله جرح الباب...
.................................................. .......
قصة ابتدت بالخيانه. وزالوا علي عن مكانه
وافتوا بأقصاءه مرغم..!!
للغدر صنعوا ثقافه وغيروا مجرى الخلافه
يبايع اذن يلا يسلم ..!!
امه اضحت ماتميز بين الوصي والبايعوا خليفه
ذوله ناس الله انتخبهم اهل الولايه وهم اهل سقيفه
من بغضهم بالمصيده كسروا ضلع من فاطمة الشريفه
تجمعوا بغضا بـ امير المؤمنين
ونابذوا حد ماجزع منه الصبر
ياضمير وعدهم الوحشيه دين
بت نبي يصفعون خدها وتنسطر
ونسلب. حق الوصي وانهظم بوتراب
لكل جرح لـ ال النبي اصله جرح الباب...
.................................................. .......
قصة انظلم بيها واحد حتى العدوا بعدله شاهد
وتشهد بفضله الليالي...
يدرونه صاحب وصيه وكسروا علي بالزجية
بقى داره منها خالي ..
افنى عمره يدلي بيهم وشكد حجه ومحد سمع كلامه
مل دخيله وهم ملوا الـ ما قام دين الا بفضل حسامه
من بغضهم تالي زهدوا ويسلم ومحد يرد سلامه
فوگ ماكسروا ضلع من البتول
من المدينه طلعوهم للفلا
اسلام ذوله والله مو اسلام اكول
ذوله حرگوا دار بت سيد الملا
ذوله اصل كل الخراب وللرزايا اسباب
كل جرح لـ ال النبي اصله جرح الباب...
.................................................. .......
قصة شهم ماتخله عن الوعد طه گله
تصبر اعله المر اريدك...
يظلمونك انتَ وحرمتك ودمهه اليسيل بعتبتك
وحبل يابن عمهه بيدك ..!!
هيجي شاءالله يشوفك صابر على الناس التحب هوانك
ضم فقارك حتى ديني البنيته يعلى شما على امتحانك
ادري صعبة الماله قيمه
بيتك يحرگه ويحكم بمكانم
ثنين وتلاثين تضل غريب
وبحداد تعيش عمرك مبتلي
لابد جروحك يصيرلها طبيب
اسمه مثل اسمي يفرحك ياعلي
ويحكم بفقار ابو وتنحيله ارگاب
كل جرح لـ ال النبي اصله جرح الباب...
.................................................. .......
ياقصة اصل المصايب يرد لابد البعده غايب
وبيده ختم القصة كلها..!
بيده ختم القصة لكن حكمه الله ان يبقى ساكن
فرحة الزهره واملها
قصة صارت من بعدها
مصيبة تطلع من بعد مصيبة
القصه طالت بس يجيها
ساعه وتصير من الفرج قريبة
المهدي قادم ياطواغي
من جفه ياخذ. كل عدوا نصيبه
جاي صاحب ثار امه والطفوف
ومايضل مطلوب اله يحاكمه
يصلب الجبتين ع الشجرة ونشوف
شلون يحرگهم على حب فاطمه
ويرجع الحق طالبي بهيبة الوهاب
لكل جرح لـ ال النبي اصله جرح الباب...
.................................................. .......
الملا: محمد باقر الخاقاني
الشاعر: احمد الهلباوي
اسم القصيده: قصة الباب
رد مع اقتباس
