هنا

[فقار الكرخي]

صبرت إمن الشهور احساب...تسعين
سـعــيـت آنـه أُوردت ويـاي...تسعين
ضيجه انـتِ يدنيه اشـوكت...تسعين
ابعيني وينفرج همـﭻ علَيه

الدرس عندي وتعلم هيج...ويهيج
علي بـاشـط لسنه بغيض...ويهيج
يـروحي الـي شـريته بـاع...ويهج
على نخاس ويدلل كام بيه

يگلبي انـوب حاربهم...واعدهم
وهذوله الواعدو خانو...وعدهم
جثير احباب جـانولي...وعدهم
لعند النايبه وشحوو عليه

مـلاوي الـوڪت لجلك...ماخفيته
وجدمي لغير شخصك...ماخفيته
سـري اشبيڪ يـسـمـر...ماخفيته
غنوه أصبحت ويغنون بيه

بعرس رحنه ويدگ الطبل...رد ناي
على ولفي وشگگيت ثنين...ردناي
يـلاهـي بـداعـة الـعـباس...ردناي
لبطن أمي ويصير اسقاط بيه

تبدى الصبر من عندي...وألم بيه
وجرحي بالگلب ينزف...والم بيه
يلوم الوكت ظل بيه...والوم بيه
جرعت الصبر بس مافاد بيه

اصيله الـروح تـنـشـد...من خيالي
وافـز مــرات اخـافـن...من خيالي
شكثر حاولت احذفك...من خيالي
خيالي انحذف وانته الضال ليه

حبيبي مـا تـحب النفس...بعداك
عديت شحصلت يا ترف...بعداك
نخيت الصبر ويه الجان...بعداك
وهسه انت الي تخون بيه

يـلاهـي يـا عـلـيـم الـحـال...يرباي
الوكت ترضة بصريم وشوچ...ير باي
انـة ادعـي والنضر بـس الڪ...يربي
لحد ما عشعش البوم علدية

انه الوكته غفل وبليل...جاما
وحـطه بـرحـت التنور...جاما
شفتني تلوج بيه النار...جاما
شلتني ولحكت علضال بيه

يـعابد دنيتڪ تـارة...ترة الله
خلقنة وينضر لعبدة...ترة الله
يجيلك يوم بعيونك...ترى الله
ويشگ حلگك علة السويتة بية

ابخیالی من بعد روحی تمر مر
انشده فکری و اعصابی تمر مر
ابغیابک شو صبح عندی التمر مر
ابوجودک چن عسل حنظل علیه

كلشي اراح مني ما يهمني
و نه اليعرف اطباعي ما يهمني
لو ينطبخ لحمي ما يهمني
((عاصي و لعناده ذيچ هيه

إغرف دمع البعیني وسیلة
وعلیک المار انشدنه وسیلة
غیر المسج مااملک وسیلة
ورسل روحي لو تقبل هدیة

حبيبي ارجوك حاجيني شمالك
تهت مابين غربك من شمالك
صرت انتة الهوى واشتم شمالك
واذكرك من تهب ريحك علية

هواکم مو هوا واحد هواوین
وجفاکم دگدگ اعظامی هواوین
انشدک ما شفت گلبی هواوین
خذه درب الحبیب وگطع فیـّه

[سمراء من قوم عيسى]

انتقاء جميل
عاشت ايدك

[ســـــجـــــودي ﹩ʝ☹]

مبدع فقار

[فقار الكرخي]

نورتو الكون

[مِـيهہرَمــآهہ ♬✿]

يسلمووو فقار

[صقر عراقي]

هواکم مو هوا واحد هواوین
وجفاکم دگدگ اعظامی هواوین
انشدک ما شفت گلبی هواوین
خذه درب الحبیب وگطع فیـّه
.............
الله عليك فقار
كلام مطرز وحلو
كانت لحظاة حلوة مع هذة الابيات العذبة
شكرا حبيبي فقار

[فقار الكرخي]

نورتو الكون

[دكتورة اسنان]

دائما مبدع
شكرا

[فقار الكرخي]

دائما مبدع
شكرا

الغالية نورتي أمة محمد