مثل شيعه واجاهم يوم عاشور!_حسين الساعدي
شحجيلك ابحالي اشلون مقهور
مثل شيعه واجاهم يوم عاشور
.
مالوم الزمن لو بدل اللون!!
جنت أمر زماني وهسه مامور!
.
أذب بالشط جنت كل زينه يردون!
والشط لو حجه جا كلي مشكور!!
.
خصوصاً بالأعرفه ابحاجة العون
يذل العازه بيه ويبقه مسرور!
.
بعد ما جنت مسند لليطيحون
صرت رايد سند وتعاكس الدور!!
.
شو لمن طحت جن ما يشوفون
اجو سحكوا عليه وانه مكسور!!
.
يقهروني اليعرفون ! ويغلسون!!
والمايدري حقه انكله معذور!
.
النار اشكد (تجَوي)! انحضنت اشلون؟
ترى الأجل ( الخبز) يحضنها تنور!!
.
ولأن بيها بشر كلهم يصيدون
متحب الارض معذوره الطيور!!
.
كل هذا وكلت اتحمل اتهون
وانه ادري( القهر) ميطيبه دكتور!
.
صرت أرسم ضحك,, ويه اليضحكون
لكن بالحقيقه .... الضحكه ديكور!!
.
كلشي اتحمليت ابسوك الظعون!
وعله لجمة اجروحي الهسه ناطور!
.
ميهمني العمر خلصته مطعون!
وعله العطشان يمهم أبقه ناعور!!
.
بس لا يم شماته اتصب العيون!!
وتحفرلي قبر, ما بين القبور!
تبنيلي قبر,,, ما بين القبور!!
حسين االساعدي
رد مع اقتباس
المشاركة الأصلية كتبت بواسطة ســـــجـــــودي ﹩ʝ☹
