خبر للمخيم وصل وانگلب ليل
اجوا گالو ابنك علي سحگته الخيل
صحت لا علي بعده ما مات
بعدني اشمك بالخيام عطر هيل
صدك طايح يانبع ...صدك كسرولك ضلع
گوم احجيلي ...يبني ...يبني
گصدت عليك بهظم ...وصلتك جلد وعظم
خلص حيلي.. يبني ..يبني
علي جا وين الربة ...ابوك اليوم انسبه
وشيب ليلي.....يبني ..يبني
اعتنيتك ياربة سنيني اعتنيتك
اجيتك عفت المخيم واجيتك
بحوافر خيل متوزع لگيتك
يبني علي .....يبني علي....يبني علي
.................................................. .
علي انا ابوك التبوس ايده كل يوم
ابوس ايدك. الحلوه يوليدي بس كوم
يـ اول سليب الرمل يلهب وحار
افصلك الروح واسويلك هدوم
وعلي بس ترجع الي ابوس ايدك ياعلي
شتريد اكثر ...يبني...يبني..
اذا مو گلبك يدك ترا ازعل منك صدگ
واگعد بالحر ...يبني ...يبني
شوكت لحسينك ترد يبو طول الينحسد
ها يمعتبر...يبني...يبني
انا ادري بالعطش ماخذ حلاتك
دهاك عيوني واعصرها بلهاتك
گبل لا ينسبن رد لخواتك
يبني علي .....يبني علي....يبني علي
.................................................. .
اذا ما گمت هسه انطي الوجه وين
ترى گبالي وادم شماته وملاعين
يالمبجي ابوك اسمع شگالت الناس
تگول ابن الحسين علي مبجي الحسين
يالمطيح دمعتي.... يالمچمل غربتي
حانت موتي...يبني...يبني
كتلني بوية الحجي.... وذبل جفني من البجي
شگد هظموني...يبني...يبني
الضحك يابوية الضحك...ثگيل بگلبي يرك
ماحشموني ..يبني....يبني
بصدور الشماته گلوب موته
حجي الشامت ثگيل يغثني صوته
مافزعوله جا ولده واخوته
يمستعجل تروح يمستعجل تموت
انا الكبري ردتك علي يبني زاتوت
ردت من يذبحوني تصبحلي دفان
وتلبسني ثوب وتدبرلي تابوت
وعلي يابوية استحي... اضل عاري بمذبحي
لا تلجمني...يبني...يبني
يكون عليه تمر تحط لثوبي عطر
وتلبسني...يبني...يبني
كلف يمبيض الوجه ...دشد حيلك يانفهه
وگوم الزمني...يبني ...يبني
يتربات المضايف وانت داري
شني معناها زلمة شكبره عاري
گوم وشيل ابوك من الصحاري
يبني علي .....يبني علي....يبني علي
.................................................. .
يجرح المحنه ويگمرية العين
يالاكبر هظمتك ترى هواي والحسين
ركض حافي ابوك وتهطر يمذبوح
علي وين يصيح ويدور علي وين
يالاكبر ياجرح گلبي
...وحگك طاحن اركبي
متت يابويه من ذبحوك
...بخيمنه وتيهت دربي
الم روحي المك هاي حيره
وجهك ليش يابويه تديره
عمرك مامزعلني يمهيوب
جنت بيك اكشخ گبال العشيره
يبني علي .....يبني علي....يبني علي
.................................................. .
الملا: يحيى البنداوي
الشاعر: محمد الزيدي
اسم القصيدة: خبر الأكبر
رد مع اقتباس
