عندي تذكرة عشگ محتاج اسافر بيها
سفرة لعيونك لچن من يا مدينة ابديها
وين ابحر شراعي
مايندل الساعي
_____________________________
درّت كل مجلس اعليك .. ظرف وبنصه خليت .. رماد اخيام علويه
يوسف فاطمه هواي .. تعبت من الحچي الجاي .. شبعد يمطول الجيه
متى تفك للفرج باب .. يَمهدي اشطول الغياب.. يريد الثار راعيه
أكتب رسالة ابدمعتي بس المن انطيها
ياماي يافيّ ياشمس يمك توديها
كل ماشفت مهرهَ الفجر گلت انتهَ راعيها
كل ماشفت طفلة اعطشت گِلت انتهَ ترويها
شبت ابگلبي الخيم محتاجك اتطفيها
سفرة لعيونك لچن من يامدينة ابديها
_____________________________
ياحلم المساكين .. يعيش ابحضرة حسين .. عليك اتفرفح الفقره
ألم نشرح يملگاك .. ياقرآن الفجر ذاك .. نسمعه ابـنبرة الزهره
يامهدي انحبك انصيح .. عشگ وادم فلاليح .. نقره الندبة ع الفطره
ربوني عالفطره هلي والخدمة عَ النيهَ
شباچ جدك من نزوه انشرّبه امّيهَ
كل الهوهَ الما بي علي مايدخل الريهَ
والما يلوذ ابرايتك معروفه تاليهَ
ياغيرة الله طلعتك عايـش علىٰ طاريها
سفرة لعيونك لچن من يامدينة ابديها
_____________________________
شنو حساسك يمولاي .. من اتمرّ على الماي .. وتذكرّ عمتك ابهيمه
هم تحضر تشابيه .. وتسمع جدك يصيح .. اخذوني وعوفوا الخيمه
عُذراً لو جرحناك .. وقرينه اعله السبي ذاك .. وذكرنه المجلس وضيمه
نذكر تفاصيل الجرح وگليبك انكسرهَ
كلهم اعزاز المشكله ياموقف انعبرهَ
من آخر وداع العلي والباب والعصرهَ
نقرالك ارباب العلل بالدمعه والحسرهَ
الطّف اكبر من الذكرّ منيا كتـر نلغيها
سفرة لعيونك لچن من يامدينة ابديها
_____________________________
اجيتك مثقل ذنوب .. غرّت جدمي الدروب .. اريدك تستر اعليهَ
تايه ماعرف وين .. واجيت المجلس حسين .. يمهدي احچيلك البيهَ
ابچي وتغسل الشوگ .. اگص ذنبي من العروگ .. ورد عُمري على الريهَ
أعذرني لو كل جُمعه يمك عرضوا اعمالي
والله يامولاي طيشي ايدوم حسبالي
الحمدلله ع الخدامه الصلّحت التـالّي
ودموع مجلس فاطمه اليخلد افعـالي
هـاذي ساعة خدمتك من يادموع اوفيها
سفرة لعيونك لچن من يامدينة ابديها
_____________________________
يامولاي انملت جور .. ابرخص الماي النحور .. عجل وارفع الرايه
الا من ناصر اتصيح .. الكرامه اتگوم وتطيح .. واليعثرونها اهوايه
الملح شارد من الناس .. المگابر تحلم ابـياس .. محد ياخذ احچايه
عجل يَـبن خير العمل مولاي ملينهَ
الرايات كثرن سيدي واشتبهن اعلينهَ
كلمن يطلّع مُعجزه لـبياض چَفينهَ
وهواي عدنه اعور گلب مولاي مو عَينهَ
هاذي صهلت مُهرتك وتدور ابراعيها
سفرة لعيونك لچن من يامدينة ابديها
_____________________________
للشــاعر : علاء عَبد
تدوين :zhralobaidi
MP3
رد مع اقتباس
المشاركة الأصلية كتبت بواسطة ســـــجـــــودي ﹩ʝ☹
