شلون تطلع النتائج بأربع طرق
لكل المراحل الدراسية ( السادس الابتدائي _ الثالث متوسط _ السادس الاعدادي بفرعيه)
اعلان النتائج: 20 يوم تقريبا بعد الامتحانات
..................................................
. الطريقة الاولى:(الابطأ) روابط كوكل درايف
وقت النشر/ 11:00 صباحا
مدة تحميل النتائج / ساعة او ساعتين!!
http://fb.com/Iraq.Ministry.of.Education/
بيج التربية هو اول من ينشر النتائج وماكو اي احد ينشر قبلهم ابدا.
ينشرون روابط كوكل درايف لكن مشكلتها تتاخر بالتحميل هوااي ما يقارب الساعة او الساعتين
بس اذا اجيت اول ما نشروها وعندك نت قوي (مشروع وطني) حتكدر تطلعها ب10 دقايق
..................................................
. الطريقة الثانية (الاسرع) بالرقم الامتحاني
وقت النشر/ 11:10 (بعد الوزارة بدقائق)
مدة تحميل النتائج / ثواني فقط!!!
> https://results.ta3leem.iq/
ادخل للموقع اكتب رقمك الامتحاني حينزل ملف المدرسة مالتك بثواني اضغط عالملف الي نزل ومبروك مقدما
في حال يكلك خطر مجرد دوس خيارات متقدمة انوب تخطي ويفتح يمك (الموقع امن)
في حال مضيع رقمك الامتحاني استعمل رقم اي طالب بالمدرسة عادي هو حيدز ملف المدرسة الك
..................................................
الطريقة الثالثة (الافضل): موقع ملازمنا
وقت النشر/ 11:10 (بعد الوزارة بدقائق)
مدة تحميل النتائج / دقيقة
> https://center.mlazemna.com/
تدخل وتختار السنة مالتك والمحافظة وتدور عمدرستك ما تاخذ منك دقيقة
نصيحة وره ما تدخل لملفات المدارس دوس عالبحث وابحث عن مدرستك برقمها او اسمها هيج اسرعلك من التدوير
اذا ما فتح سوي اعادة تحميل ويفتح بلحظتها
في حال الرابط ما يشتغل هاي قناتهم ينشرون رابط شغال دائما @iqresults
..................................................
الطريقة الرابعة ( السيئة): ملفات بالتلي
وقت النشر / 11:15 (ثلث ساعة بعد الوزارة)
مدة تحميل النتائج/ نص ساعة او ساعة
هالطريقة اكثر شي الطلاب تستعملها لان ما تعرف الطرق فوك
فنصيحة لا تصير مثلهم وعوفها، لكن هذا شرحها للفائدة:
اولا/ تنزل برنامج لفك الضغط بس نزله
اندرويد: راجع "RAR"
https://play.google.com/store/apps/d...com.rarlab.rar
ايفون/ ايباد: https://apps.apple.com/us/app/docume...cs/id364901807
حاسوب :https://www.win-rar.com/fileadmin/wi...ar-x64-611.exe
او اي برنامج اخر يفك الضغط بس اكتب rar بالمتجر مال جهازك ونزل اي واحد منهن
ثانيا/ تحمل ملف محافظتك من التلي ودوس عالملف واختار التطبيق الي نزلته
انوب اختار قسمك ودور على مدرستك دوس عليها واختار اي تطبيق يفتح pdf يمك وحتطلع بالسلامة
..................................................
الخلاصة:
استعمل طريقة 2 او 3 فقط و الباقيات ميفيدن
رد مع اقتباس
