آه .. من گلبك جرت
آه .. والآه اكبـرت
آه .. بالطف خضـرت
آه آه آه
حزنك بالدهر
ما فوقَ البشر
حُسينا
________
تهمس ابآخر نفس مدري اشتگول
لچن هَمسك تارس الآم الزمان
صوتك اللهُ أكبر التحت الخيول
خضر الله أكبر لوكت الأذان
چنك من الميمون من تهوي
عيوق هاوي من الفضا العلوي
وجهك امدمه وجبهتك تضوي
اهاتك ابسمع الدهر تدوي
صوت .. بي ضج الملك
صوت .. بي ناحت هلك
صوت .. رد منك الك
آه آه آه
اهاتك صور
مافوق البشر
حُسينا
_________
لاتزال الأرض دمعتـها فُرات
من وگفت ابـ أبوفاضل تنتخي
القبلوها اثلاث ايمه امگطعات
وطاحت ويه الرايه چِلمة يا أخي
بدر الذي اعله العلگمي اتبده
باب الحوايج صار للشده
اللازم ابگبره لازم ابزنده
الحلفه بزينب حاشه مَيرده
عين .. كحلها السهم
عين .. ظلت ع الخيم
عين .. منك تبچي دم
آه آه آه
النايم ع النهر
مافوق البشر
حُسينا
_________
ابدم رضيعك حين چفك ينترس
اتقدمه قُربان لچفوف الاله
يرفعه وبي يصبغ خدود الشمس
بكل غروب ابدمه تتــزين سماه
عبد الله غُصنه انكسر والشجره
ابفصل الربيع اوراقها صفره
كل طفل من دمه جرت قطره
ذمه ابرگبته الأسقط الزهره
سال .. دم محسن غدر
وسال .. دم طفلك هدر
وسال .. دم عگبه اشكثر
آه آه آه
قطرة من النحر
مافوق البشر
حُسينا
_________
أمس وحدك لا معين ولا نصير
انسد عليك النفس من ستَّ الجهات
الدهر گال وياك اسوي الما يصير
شما يگلك اخذ بلاء اتگله هات
من شافك الله امسلم لأمره
خلاك ابو التسعه من العتره
خله ابترابك للشفه سره
خله الإِجابه ابقبةّ الحضره
يوم .. نحرك ينحر
يوم .. نحرك ينتصر
ويوم .. للمهدي الأمر
ثار المنتظر
مافوق البشر
حُسينا
_________
مأتمك چان ابخرابه اعله التُراب
بس حريمك چانن اليبچن عليك
كُبر طاري المدمع وصيت المصاب
والشعائر روّت من دم ودجين
وبدرب زينب شوف اليعجب
كل خطوه منها اتحولت موكب
وابـ اربعينك عاين وأحســب
جم ناعي ينعى ونادب اليندب
شوف .. الجثته امرضرضه
وشوف .. بعياله اشگضه
وشوف .. الله شعوضه
عشرين ابصفر
مافوق البشر
حُسينا
_________
كلمات الشاعر : عادل اشكناني
كتابة : zahralobidi
MP3
رد مع اقتباس
المشاركة الأصلية كتبت بواسطة علي الواسطي
