يبن علي ابن موسى الرضا
ياباب الرشاد وعطاي المراد
على حب فاطمة!!!
يبن علي ابن موسى الرضا
اشفعلي من اتيه غير انتَ الوجيه
عد رب السما..!
طير اخذني بصحنك افتر طهر انفاسي بهواك
ضامي للحب وانت كوثر جيتك استسقي هواك
ياعطر موسي ابن جعفر وغرة الضامن هذاك
بس نظرة منك تكفيني...خادم مطيع تسويني
شيل الوجوه الي بعين. عداك!!
عبدك يريدك دوه علته ...تنطي ضمان اعله خدمته
شايل گلب بي بس انتَ وهواك!!
يافاطمي النقاء وعلوي الخصال
ياموسوي العطاء رضوي الجمال
................................................
يبن علي ابن موسى الرضا
ياتاسع امام ويادرع وحسام
للدين وهله..!!
يبن علي ابن موسى الرضا
يااصغر جبير لهاشم صار امير
سيد ع الملا..!!
يلوگ الك تاج الامامه هيج شاء الله وقضى
تورث الامر وزمامه من علي المرتضى
شار الك بيده وكلامه ونصبك بعد الرضا ا
انت الطهور وثرى جدمك...طهر ضمير الي يخدمك
انت الينادي الرضا بسمك ينول!!
دين الهوى والوفه عالم...وابرك عطية لبني هاشم
خليني لابن الوصي الخادم واكون!!!
ياهاشمي الاباء نبوي الجمال
ياموسوي العطاء رضوي الجمال
................................................
يبن علي ابن موسى الرضا
يامحلى الوقوف يم بابك اشوف
واشعر بالعطف..!!
يبن علي ابن موسي الرضا
ياباب الكريم واحسانك قديم
مانال الوصف..!!
جندتي ذاكرتي كلها بشذى حبك واكتفيت
وحتى بالدنيا واهلها منك اجود مالگيت
هجرت جروحي نزلها ومجلسك صارلها بيت
انتَ اليحرك النعي بيه ...ويصب مشاعر على اديه
وانطاني بسم الوفي نيه وحبيب
ثاري الزجيه انتَ حملته...للمهدي وبگلبه دفنته
قوي دليلي اعله ندبته غريب..!!
يامهدوي البكاء بك تاه المقال
ياموسوي العطاء رضوي الجمال
................................................
يبن علي ابن موسى الرضا
ذكرك والجروح ياخذنه ويروح
يم ضعن الشيم..!!
يبن علي ابن موسى الرضا
تعزيتك مصاب يفتح النه باب
لعاشور الخيم..!!
وين اروح بوادي اظلم اذا مانقذتني اديك
بيش اطب انا لمحرم اذا ماباجي عليك
موتي من حرمانك ارحم هارب منك اليك
بلغني شهر البجي والـ اه ...والطم على ابي عبدالله
واصرخ على الضامي اويلاه وانوح!!
وبگلبي حب كربلا ديره..وابجي الـ على الناگه اسيره
عافت على الغبره عشيره جروح..!!
يازينبي البلاء وبعيد العيال
ياموسوي العطاء رضوي الجمال
................................................
الملا: محمد باقر الخاقاني
الشاعر: احمد الهلباوي
اسم القصيده: رضوي الجمال
رد مع اقتباس