يالاكبر يابزر گلبي وحگك طاحن اركبي
متت يابوية من ذبحوك بخيمنه وتيهت دربي
الم روحي المك هاي حيرة؟!
وجهك ليش يالوالي تديره
عمرك مامزعلني يمهيوب
جنت بيك اكشخ اگبال العشيره
جرح الولد حار ...روحي الولد جروح الولد حار
حط بالگلب نار...فراگه صعب حط بالگلب نار
بعيد الدرب صار ...وينك علي بعيد الدرب صار
علي يابويه ...يابوية...يابوية. علي يابويه....
.................................................. ...
ابوك تغير هوايه راية ومالت الرايه
علي فراگك يهد الحيل برد گلبي بحجاية
بروح امك بروح العشرة ورباي
اگعد لا تكابر صارن هواي
گبلك شيباني فراگ عباس
راي انطيني اجيتك فاگد الراي
ايطر العيون...ذبحك جيير يطر العيون
يابعد الضعون ...عطشانلك يابعد الضعون
خلهم يگولون ....حسين نسلب خلهم يگولون
علي يابويه ...يابوية...يابوية. علي يابويه....
.................................................. ...
شسوي وتگعد احجيلي.؟! اتجيلك تتجيلي!!
ابجي والزلم تضحك وادنگ يابعد حيلي
عليك افرك بديه وحيل متعوب
اعثر من اگومن گمت بالثوب
يبني الدنيا ماترحم الخيرين
انطيني ايدك يالاكبر صار الاغروب
حزنك يمهيوب....ماينحمل حزنك يمهيوب
يوليدي مسلوب ...تالي الوكت يوليدي مسلوب
ومفرهد الثوب ....نامي جفي ومفرهد الثوب
علي يابويه ...يابوية...يابوية. علي يابويه....
.................................................. ...
يامن فدوه اروحلك واروح لطولك وضلك
خواتك والخيم يبجن وبس وتهد يشوفنك
طرگ روحي واعاين بيك محتار
يبعد العافية نار الگلب نار
ميت بس عدل بعيون الحسين
مدري شلون بيه جروحك اكبار
يبني شعلامك....وشيوجعك يبني شعلامك
بداعة عمامك.....لتعوفني بداعة عمامك
طولك منامك....فوك الرمل طولك منامك
علي يابويه ...يابوية...يابوية. علي يابويه....
.................................................. ...
بديت اتحسس الغربه يالاكبر طيحتك صعبه
ردتك عون الي من اكبر يروح حسين ياگلبه
عزيز وجاي ليك تمدد وياك
علي مو عادتك تنطيني مگفاك
الله يعيني صواب الضنه ثگيل
ابوك شويه عوزه يموت فوگاك
مايل اجيتك...واتعثر مايل اجيتك
يابس لگيتك...من العطش يابس لگيتك
التم بلحيتك...ودم النحر. التم بلحيتك
.................................................. ....
الملا: يحيى البنداوي
الشاعر: انور السهلاني
اسم القصيده: جرح الولد حار
رد مع اقتباس