انا محد شلع گلبي غير اخياتك يالاكبر
كلهن يصيحن الحگن علي شو كلش تأخر
من الخيم طلعن عليه وحده تركض وحده تعثر
شرد اگلهن. وانتَ صاير مدري الاكبر مدري الاصغر
ياتعبنا....بسك ااگعد ياتعبنا
عذبتنا....يبني كلش عذبتنا
گلي بوية البويه حلوه منك من اسمعها اطير
شنهاي صاير تحجي گوه الويه ابوك المو غريب
يبني سولف خلي اسمعك راح اموتن يالحبيب
كون اخم الدنيا كلها مثل الاكبر مااجيب
فاركوني...وينه وينه الفاركوني
لو نسوني....شنهي ملوا لو نسوني
يبني حتى المايعرفك من يمر اعليه يبجي
اغلى واحد انتَ عندي واغلى واحد كوه يحجي
يبني جنت امنيتي اشبكك بس اشبكك موش هيجي
يالاعز من روحي عندي يبني كوم اعليه تچي
مو وكتها...الفركه كلش مو وكتها
ماردتها...بوية منك ماردتها
.................................................
الملا: يحيى البنداوي
الشاعر : مصطفى الصالحي
اسم القصيده: فاركوني
رد مع اقتباس