لا تونين. لا تونين عليج بذاك ضعلج لا تونين
گوم يحسين گوم يحسين عاد لخاطر امك گوم يحسين
صارن سنين صارن سنين على هاي النياحة صارن سنين
صوت السماوات اعتله ياكربلاء ياكربلاء
ام الحسن متبهذله ياكربلاء ياكربلاء
هذا الهضم منچ كله ياكربلاء ياكربلاء
يمه …لشوكت گلبي عليكم يون وينادي
يمه…شنو مامقسومه افرح يوم بأولادي
يمه …يامراد امك واجتي الخيل لمرادي
**********
شضال بيهه شضال بيهه شوف امك نحيله شضال بيهه
المر عليهه المر عليهه كاضي بس ضلعهه المر عليهه
لا تجيهه لا تجيهه ام ياذبح ابنهه لاتجيهه
وياها العزاء توه حله ياكربلاء ياكربلاء
خلي لطمهه نجابله ياكربلاء ياكربلاء
بصك الوجهه نستقبله ياكربلاء ياكربلاء
يمه…ادري باليلطم على وجهه وعلى صدره
يمه…يصعب المكسور لو يتگرب الكسره
يمه…كلهه تصرخ وين تلطم فاطمة الزهرة
********
ماشدهته ماشدهته ضل يا عقل يمه وماشدهته
من نشرته من نشرته قميص ملطخ بدم من نشرته
ماعرفته ماعرفته نفس كل سنه بيدي وماعرفته
كل هالزمن متحمله ياكربلاء ياكربلاء
وليدي على گلب امه غله ياكربلاء ياكربلاء
يگلولي عاري بالفله ياكربلاء ياكربلاء
يمه…ياحرير الله ويغطيهه الرمل ذاري
يمه…تدري وشسويت بأمك لو لا ماداري
يمه…هاي يا ام ترضه ابنهه عالرمل عاري
********
شعدهه وياي شعدهه وياي شعدهه الغاضريه شعدهه وياي
يوجع رباي يوجع رباي مو هينه الليالي يوجع رباي
ماشرب ماي ماشرب ماي . ماي عيون امه ماشرب ماي
هذا الحسين والعايله ياكربلاء ياكربلاء
عن كل اهل تفرض هله ياكربلاء ياكربلاء
صغيره چبيره مدلله ياكربلاء ياكربلاء
يمه…طايح وكل فكره ضل يم خيم نسوانه
يمه…هي نسوانه تعاين صوب ميدانه
يمه…وانه مابين ابو اليمه وبين صيوانه
*********
مية الف باب مية الف باب ولا عطشان وارضه بمية الف باب
حاسبه حساب حاسبه حساب يشغلهم جماله حاسبه حساب
نعمه السلاب نعمه السلاب ماشاهد حيائه نعمه السلاب
تچوي الصحاري القاحله ياكربلاء ياكربلاء
هذا القدر مالاگ اله ياكربلاء ياكربلاء
معدل واخيته معدله ياكربلاء ياكربلاء
*****^***
الملا: سيد احمد المنصوري
الشاعر: ابو ذوفقار الموسوي
اسم القصيده: لا تونين
رد مع اقتباس
