هنا

[ارجع يازمان]

اذا حسيت روحك راح تنباع
قبل لا يبيعونك حاول اتبيع!
,
عنهم دير وجههك قبل الوداع
أكو ديرت ضهر معناها توديع!
.
لا تبقه الغشيم ابحلو الأطباع
الدمعه عله الما يستاهل اتضيع!
.
نوبات السفينه اتذب الشراع
اذا عكس الهوء اتصير المواضيع!
.
خيرك عادي ( وزعه ) الياهو طماع
بس ( عزة نفس ) مابيها توزيع!
.
كلشي إولا تطخ الراس عالكاع,
بس لله ابصلاتك خلها تطبيع,,,
.
اضحك للشماته ابيوم الأوجاع
ويم أحبابك .....اتصب الينابيع!!
.
ضميرك لا تبيعه ابكل الاوضاع
الما بايع ضميره .. ابرايه تشريع
.
ولتبدل احجايه اتخسرك امتاع
ترى احجاية ( زلم ) معتبره توقيع!
.
اذا تنسه الفزعلك يوم فزاع
وراها الفزعتك متخلي تشجيع!
.
واذا كلمن ( نبح ) لأفكاره تنصاع!
يبيعونك ( ابسعره ) وماكو ترجيع!!
يبيعونك ( ابسعره ) وماكو ترجيع!!
حسين االساعدي