قصيدة قصة فرح
قصة فرح قصيدة تترجم قصة طفلة عراقية قتل ابواها من قبل العصابات

بطريق طويل والرطبة غدة خلفي
فرد ساعة خلاوية البشر بيها
ابوي ايسوق مستعجل على جدادي
وامي تلوب منزوفه بولادتها
واذا باشباح مسعورة تطك ترمي
رصاص هواي ثارت هم قنابلها
تصيح بصوت وكف ها تعا يمي
لبويه ذياب سلابه عمايلها
الرحم منزوع من اكلوبهم عمي
وابويه ايصيح عوفوني اوصلها
لطبيب ايحاول ايوكف نزف دمي
اعطيتى وماوكف نزف دمها
مرميه انجفة سيارته مرمي من خوف العصابه البان ناب الها
نزل دمها بمحالبها ورضع ثمي
رضيعه بالزكي المضلوم سايلها
قبل مالوح صدر امي ذهبت عني رضيعه وهمها تتناول صدر امها
ابوي وخوي خيتي من بعد امي
رضيعة وها اجاها الذيب كصلها جذايلها
لويش بهل هضم ولدتيني ولج أمي
بلحضة طلتي للناس زارتني اراذلها
اكو محروم يايمة يعادل همه بهمي
حمل ناكة ضرف هم وضرف ضيم بعدايلها
عمين بالسكم عيني رضيعة ويا كبر غمي
مالت والزمن غدار ياهو يعدل المكلوب مايلها
أيد من القدر شالتني أحفضة رسمي
من طي الكرم والجود موصوله حمايلها
رغم كل الفقر والعوز لي تحمي
بحنان جبير شبكتني بمنازلها
لأ حبلت ولأ جابت بعث ربي
أم درت حنان وطيب أناملها
أبوي ألماحضن فد يوم بيه أمي
ولأ ساعة غرام ألجيتي غازلها
سماني فرح فرحان هو بسمي
وأذا اطلب عيونه بطيب ألي يخلها
أحلفكم أزغار أكبار
بربي ألواحد ألقهار
وأحلفكم بالنبي ألمختار
أليسمع قصتي أيعمها
ويدعي للي رباني
وحفضني وزال أحزاني
وأبد مايوم خلاني
أحس ألعوز والذلأ