هنا

[بحار تائه]

شلونكم شباب
طبعا جاي اتصفح بالنت وشفت هذا القسم
وكلش عجبني وسجلت بمنتداكم
وعندي مشكلة حبيت اطرحها بلكت تفيدوني .

اني من محافظة بابل
وشايف نفسي فد شوفة مو طبيعية
بحيث كل الناس ميعجبوني
وابد ما اطيق الناس من حولي
ولا اطيق تصرفاتهم وافكارهم
شكد حاولت اغير طبعي وانظر للناس
بأيجابية وفشلت
اطول صداقة عندي متطول اسبوع
ومجاي اكدر اعيش بالمجتمع واندمج بي
واني بعدني شاب ٢٥ سنة
شلون راح اكمل باقي عمري ما ادري


اتمنى محد يتنمر عليه
او يسمعني كلام مو حلو
لأن الامر مو بيدي شكد حاولت احب الناس وماكدرت
بحيث حتى اهلي اكرهم

جماعة الدين وقران الليل اشكركم مقدما
ماريد نصايحكم

[نـايـا]

اعتقد هذي حالة نفسية يحتاجلها طبيب اختصاص يعالجها ..لان مهما يكون الانسان عندة غرور وحب الذات متوصل لهذي المرحلة الي انت بيها....وطالما انت تشعر بالذنب اتجاه نفورك من الاخرين وحالتك فتأكد علاجك بسيط وبسهولة راح تطلع من هذي الحالة اذا راجعت طبيب

[تاليا♪]

والله ياعيني كلنا مجاي نطيق نفسنا والناس مو بس الناس
اعتقد السبب الاساسي هو انه انت مدتلتقي بناس يشبهون اطباعك وتفكيرك لذلك تكرهم
خلي ابالك شغلة مستحيل تلكا شخص يناسبك ١٠٠٪ بس ال٩٠٪ لابأس بيها ول١٠٪ الثانية نحاول نتكيف وياها
خلي اصدقائك يكونون ناس ع الفطرة ويخافون الله وايجابيين وحياتك راح تتغير وعن تجربة
وترا ماكو احلى من الصداقة من ناخذهم وتطلع لمطعم او مكان او تشترون ملابس سوا
والمثل يكول (جنة بدون ناس متنداس )
جرب تتقبل اصدقائك يومين وبعدها راح تتعود عليهم ويصيرون جزء من يومك
واذا استمرت المشكلة عندك انصحك بمراجعة طبيب نفسي

[Aabdullah]

اذا انت في بدايات العشرين او اقل فالمشكلة ممكن تكون بسبب البيئة الي نشأت بيها وهذا شي يحدث مع الكثير من الاشخاص الي لازم يكون دورهم بعد الوعي بهذه المشكلة هو تغيير برمجتهم الاجتماعية بما ينسجم مع الواقع حتى يكدرون يستمرون، خلاف هذا راح يواجهون مشاكل وعدم استقرار في علاقاتهم مع الاخرين مع الزملاء في الدراسة والعمل والجيران وحتى مع شريك حياتهم.

اما اذا الحالة صارت بعد الثلاثين فقد يكون السبب كثرة وتراكم المواقف السيئة جدا والصفعات التي نتلقها من الاخرين الذين نحسن الظن بهم وبعد الكثير من الاحترام والتقدير والاخلاص لهم .. يأتي غربال المواقف فتظهر وجوههم الوعرة على حقيقتها
وفي هذه الحالة الموضوع اسهل بكثير من السابق، نحتاج فقط ان نخفض سقف توقعاتنا بالاخرين وان لا نتوقع منهم الكثير بل ونكتفي بالقليل الجيد ان وجد ويجب ان نعرف ان هذه ليست مشكلة فردية بل هي مشكلة مجتمع يعاني منها الجميع بسبب سوء تصرف الجميع.

الأعمار الي ذكرتها مجرد تقريب لفكرتي عن علاقة العمر بالموضوع

[مصطفى العراب]

طبيعي وداعتك ، محد يطيق الناس ولوما المصالح المشتركة محد يبتسم بوجه اللاخ الا ما ندر

ابني علاقات اساسها تبادل المصالح انفع وانتفع وراح تتغير نظرتك لان انت اصلاً ما محتاج تحبهم ولا همة بحاجة حبك

[أبو تراب]

وعليكم السـلام ورحمة الله وبركاته
أولاً أنت حالياً في مرحلة جيدة و هي مرحله الأعتراف ع الأقل انت مقر و معترف بالشي الي كاع تسوي و مادام منتبهه عليه ف هاي خوش خطوة
ثانياً انت احتمال حتى النصائح الي ننطيكياها راح ترفضها لأنك بعدك بهذ الغرور فهذ الخطأ لا توكع بي
ثالثاً الي عندك هو غرور و أنا او Ego عالية وهذي تظهر في مرحلة المراهقة مبدئياً ثم تنتهي عند النضج او البلوغ وقد تستمر وتظهر على هذ الشكل من التكبر وهذ شي راح يعيق وصولك للنجاح لازم تفهم هاي ويعيق تواصلك و تعاملك ويه البقية لأن انت بفراش الموت آخر واحد ممكن تشوف شكله وملامح وجهه هو أنت لأن انت عايش للناس و ع الناس و ويه الناس زائد كسر الأنا العالية يتطلب نضج و جهد واذا تريد نصيحة سريعه النتائج جرب إقرأ مرتين باليوم او اكثر دعاء مكارم الأخلاق رقم 21 من الصحيفة السجادية و كون تفتهم و تستوعب الكلام و الدعاء و وراها تفهم

[NAZ‌]

ترى حتى الناس محد معترف بيك و منطيك اهمية بس انت منطي اهمية لروحك يـ آدم سميث
ولا اكو احد محتاجك لا الناس و لا اهلك
منو بحالك عزيزي :)

[Sωeeτ]

شسوي بيهم خلي بالك صافي


ام عن اهلك ليش تكرهم الله يوفقك من اهلك راضين عنك