هنا

[ارجع يازمان]

اجاني العيد خله اكبالي حسبات
بعد ما كمت اشوف اللي يعايد!
.
مدري عالعدل مدري عله المات
أذب ادموعي وأنشد بالقصايد!
.
واخافن غفله تطلع مني دمعات
ابصدفة شامت ايمر ويشاهد!!
.
المن عود اعايد ...... بالتحيات!
وأنه من المشوا ما ردلي واحد!!
.
ترى الضَيع حياته بالحسافات!
عله إجم يوم لا يمشي ويناشد!!
.
الجان احبابه يمه وهسه شمات!
لا ينتظر عيد ..إولا يواعد !!
.
كلت للفرح وينك !! كال هيهات
أمرلك ... والحزن وياك كاعد!!
.
شايفلك عدل يتحسد المات!!
صارت بيه هاي والله شاهد!!
.
أنه روحي ( حمامه ) وجنحي بذات!
وعليه اتراهنت كل المصايد!!!
.
حتى الموت هم ينطي امتيازات
موت افراش مو مثل المجاهد!!
.
اليذب روحه ميدور السلامات!
وكل اللوم .... ميفيد اليعاند!!
.
اتعنه الدروب البيها عثرات!
وكبل ليطيح واحد راح اساند!
.
عندي غيره متحدها المسافات
خلت بالعرفني ايصير حاقد!
.
ما الوم اليلوم ابلايا غايات!
لكن اقصد اليدري ويزايد!!
.
العشاير ما درت تحجي الملامات
بس المشكله ابلوم السواعد!!
بس المشكله ابلوم السواعد!!
حسين االساعدي

[وَتِــيـن ﮩ]

شكرا الك .