طويناها صفحتك وانتهى الموضوع
فعل ماضي صفيت وخلصت المدة
اشتتوقع ابوس جدامك من تروح
واسحك كبريائي واطلب النجدة
صح جدمي عثر من شفت طولك لاح
لكن مانخيتك من طحت عمدة
توجيت اعلة جرحي وما طلبت العون
لان ادري اليطيح اجفوفة التسندة
صح الكمر اكبر والنجوم صغار
بس تحلة السما مو بالكمر وحدة
واذا ساكت ترى مو لان ماكو لسان
مرات الصمت من الحجي ابدة
وجف المايصافح جفك بأحساس
لا تعتب عليه وتنتخي بزندة
من اكتب شعر لا تعتقد بطران
البلابل بالقفص من ضيمها مغردة
ما صدك بعد دمعاتك من اتطيح
هم يهمل دمعها العين لو رمدة
روح بلا وداع وكل اثر ما اريد
اليكتب ع الرمل يعرف قدر كتبة
على الرايد يعوفك لا تذلها العين
اذا تبجي بحر ماتكدر ترجعة
بيع انت ثكل كلة اني راح انساك
وصير انت التسافر وانت التودعة
واذا كلبك يحبة لاتذل الروح
طفي الروح كافي الروح متولعة
وصير انت شمس خليهم يصيرون
شمعة بنور شمسك تنطفي الشمعة
رد مع اقتباس
