هنا

[ღ عِشق ღ]

١
أجيتـك
طفل وجناحي بأحلام الخيال
لـِگيتك
جرح يوميلي ويگلي تعال
بـچيتَك
خيم تنزف عَطش عُگب الدَلال

يـَحسين أخذني أجيت بـلا وطـن
وإحسبني ضايـع أدور ع الضَعـن
وأحرگني خيمة خِيامك هم دوَّن

٢
يَـحسين.. حطني بـكل ليـل
ويـاك.. تسحگنـي الخيـل
ظَهـرك.. ماظل بـي حيـل

رسايل
عشَّگت الله وگمت تنطي بضواك
يشايل
طفل مابي نذر وتـگله هاك
يشايل
رضيعك ..مثل نحرك تبده ابمشتهاك

مثل الرسايل أعشگك والشمع
يحرگني دمعي واكتبك بالدمع
ابصدرك لـگيته حوافر ع الضلع

٣
ياشيب.. نَعشك ع الراس
برماح.. شايلته الناس
شـِيبك.. إسمه العَبـاس

حَـلاتك
سهم شايل لچن تنزف حَنيـن
غَـلاتك
نسلتك أربعة أُم البنيـن
بَـناتك
على الهزل ينوحن ياحُسيـن

يا أحلى چِلمة ابشفةِّ امدلله
الفضها وأسمع طاري العايله
يحسين أحبك واعشگ كربله

٤
محلاك.. وانتَ مذبوح
حزنك..عايش بالروح
ياثوب.. متروس اجروح

عَزائـك
بدايةّ كل طفل يبـچي عليك
رِحابـك
حنان ورحمة كِلما اعتنيك
اعلى بابـك
أدنگ واكسر الخاطر واجيك

ابكسر الخواطر اجيك ودمعتي
شاهودي گلبي اعلگه ابسبحتي
بذنوبي يمك اعلـن توبتـي

٥

عِشگَـك.. خلاني أتوب
عطفك.. وانتَ المحبوب
وأدريك.. ضامي ومسلوب

مصيبة
قريت إِعمامتك متروسه شيب
عجيبة
تلمنه ابمجلسك وانتَ غريب
رهيبة
ملامح خدك ابدمك خضيب

يامن تقدم گلبك للسهم
بيك الحوافر وصلن للخيم
والشيب الابيض صاير كله دم

بعينك.. صد للنسـوان
اخيامك.. صارن دَخـان
وانتَ..فــوگ التِـربان

ياخويه خليناك ع الغبرة عاري
مغسل ابفيض ادماك والچفن ذاري

________________________________

لِـ الشاعر : محَمَد المُـوسـوي
الكِتابة zhr

_________________________________

Mp3

[sawsanmahmoud]

قصيدة جميلة ومؤثرة
عاشت ايدج حبيبتي

[شمس تونس]

شكرا لك حبيبتي

[ღ عِشق ღ]

قصيدة جميلة ومؤثرة
عاشت ايدج حبيبتي

شكرًا لحضورچ غاليتـي سـوسن

شكرا لك حبيبتي

اهلاً وسهلاً شَمس











..