هنا

[ارجع يازمان]

ملح ماصخ!!


لا تسمع عذرهم واترك الأسباب!
لأطباع الغدر ما انصحك اتسامح!

لو شفت الاسد و مكَشر الأنياب
اجاك ابغايته اوما رايد ايمازح!!

وِعتذرولك ابضحكة جذب بالباب!
وِمنِ اعيونهم كل الصدك طايح!

ياجرح البضهرك للوكت ماطاب
وِاليوم اعتنوك ابعذر المواكح!

مَنظرهم بَشر بس بالحقيقه إذياب
واتحداك كون اتفرزن الناصح!

ياحوبه البقت وأهل البخت غياب!
وِتمَصخ مِلحنه وجَنه مو مالِح!

دنيه الفرتك لعبت لعب دولاب
وتلَبس الطالح مَلبس الصالح!

والغَدار اتركه إولو حِلف جَذاب!
ميعوف الخيانه إوتسمع الصايح!!

تالي الليل يتلثم يجي سَلاب!
نفسه البلصبح وياك الِيصابح!


الشاعر حسين الساعدي
منقول

[حسن الامير]

شكرا

[ارجع يازمان]

شكرا

شكرا لمرورك اخي حسن الامير
تحياتي

[علي الازيرجاوي]

كل الشكر والامتنان على روعهـ بوحـكـ ..
وروعهـ مانــثرت .. وجماليهـ طرحكـ ..
دائما متميز في الانتقاء