هنا

[ارجع يازمان]

اجاني الليل*** يرعد,,, ماله رداد
لان شاف الدمع من عيني مكطوع!
.
يخاف افرح ابعيدي وكض الاعياد
كتب بيهن قهر ... والضحكه ممنوع!!
.
يطلب ثار جنه وشايل أحقاد!!
دَكني ابليلي ,, وبجيلاته موجوع!
.
نكَلت اجروحي يمه وكلشي مافاد!
أبد ( للعطوه) ما خلالي موضوع!!
.
يريد ادموعي( هسه ) معاند اعناد
وانه ابوقت الغروب امخلص الدموع!
.
وضل ايجيب اسامي الصاروا ابعاد
كال انتَ اشتريت,, وهسه مبيوع!
.
يكلي اشعجب!!! ما دفيت بغداد!
ابذاك الشته ونارك جوه الضلوع!
.
اشعجب شو ما متت؟ كال وبعد زاد
والمثلك ترى ... مَيطَول اسبوع!!!
.
ترى ابشعواطه كلبك صاير ارماد!
ومدوحنه صوته لمن اتلوع!!!!
.
ليش الهسه عايش؟ مارحت غاد
بخور* ومي ورد *وبقبرك اشموع!!
.
وترى المهموم من دمعاته ينصاد!
يعرفونه الشماته ابدمعه مزروع!!
.
مفضوح الجرح ميستره الضماد@
الحزن عنواني صار ابوجهي مطبوع!
.
( الونه ) الأجرها اتسوي تعداد....
اشلون أشلع ( الونه ) وكلبي مشلوع!
.
وكل ليله ( الونين) ابليلي ينعاد
السابع جار كلبي ابصوته مسموع
السابع جار يوصل صوته مسموع !!
حسين االساعدي