اهلاً أستاذالمشاركة الأصلية كتبت بواسطة آدم..
مااعتقد فد مشكله .. لا سيما والجيل الجديد مايعرف هالحقبه السوداء من تأريخ العراق .. والشيء بالشيء يُذكر .. لحد الان في أوربا المتقدمه .. يذكّرون الاجيال الجديده بجرائم النازيه في ثلاثينيات واربعينيات القرن الماضي .. وبالتالي لا ضير أن يتم توعية الشباب بمرارة تلك التجربه السوداء ..
أما بخصوص طلاب "كلية الطب" .. حالهم حال باقي الطلبه يعني لا بأس أن يكون الانسان طبيب .. وعنده ثقافه عامه .. بالتأريخ والرياضه وغيرها من مجالات الحياة .. خوما ينغلق ع نفسه ويبتعد ع واقع حاله .. !
واني متأكد هالمواد بالدراسه يعني مو أساسيه حالها حال الديمقراطيه وغيرها .. فماكو داعي لكل هالتشنج ..
مودتي
طبعاً شكراً للمداخلة
احب اكلك انه اذا ناخذ الموضوع من ناحية تاريخية لازم نذكر كل الطاغية اللي مروا بتاريخ العراق لانه مو من المعقول نحكم على شخص واحد بس على انه هو اتعس طاغية مر بتاريخ العراق في حين اكو الاف مؤلفة غيره يحجون عن جرائم صدام والطمر وغيرها من مساؤه طبعاً اني مو دفاعاً عنه بس بما انه ابتديناها بالطاغية صدام حسب قولهم ف المفروض من ضمن الجرائم هم نذكر مجزرة سبايكر والمسؤول عنها وكذلك سقوط الموصل وتدمير اثار العراق عبر الالاف السنين على يد منظمات داعش وكذلك نقل انابيب نفطية كاملة للدول المجاورة وكذلك واردات العراق اللي محد يعرفها وين تروح !! ليش هو الطاغية بس يقتل ؟!
كذلك لننسى المسؤول عن ابادة ثورة تشرين في الناصرية وغيرها من المحافظات
اما بخصوص طلاب الطب وثقافتهم فبصراحة فاجئتني حالة من الحالات انه ناجحة بكل موادها وبتقديرات عالية وجاية تمتحن جرائم دور ثاني
اما بخصوص التدريسيين فبصراحة بالنسبة النا حسابين نفسهم مادة اهم من الباطنية والجراحة وغيرها !
وبدل مااضيع وقتي اقرا تاريخ شخص شبع موت اروح اطور نفسي بمجالي وافيد المجتمع
