مسوين مادة أسمها جرائم حزب البعث تُدرس بكل كليات العراق ومن ضمنها الكليات الطبية
طالبة طبية عايفة مصادر الطب وعايفة الابحاث الجديدة وعايفها موادها الاساسية دتدرس جرائم صدام حسين بحق الشعب وهو صارله ٢١ سنة من مات وانتهى حكمه
زين كأطباء شراح يقدم لمسيرتنا التعليمية اذا عرفنا صدام شنو ارتكب جرائم او لا؟!
هذا اذا يدل على شي فمو أكثر من انه الحكومة دتثبت فشلها يوم بعد يوم!
من علامات الفشل ان تثبت نفسك أفضل من غيرك بذكر عيوب الاخرين!
اسأل صديقتي شدتسوين
تكلي اوكفي داقرة جريمة صدام بصلاة الجمعة
مهزلة !
مااعتقد فد مشكله .. لا سيما والجيل الجديد مايعرف هالحقبه السوداء من تأريخ العراق .. والشيء بالشيء يُذكر .. لحد الان في أوربا المتقدمه .. يذكّرون الاجيال الجديده بجرائم النازيه في ثلاثينيات واربعينيات القرن الماضي .. وبالتالي لا ضير أن يتم توعية الشباب بمرارة تلك التجربه السوداء ..المشاركة الأصلية كتبت بواسطة تاليا♪
أما بخصوص طلاب "كلية الطب" .. حالهم حال باقي الطلبه يعني لا بأس أن يكون الانسان طبيب .. وعنده ثقافه عامه .. بالتأريخ والرياضه وغيرها من مجالات الحياة .. خوما ينغلق ع نفسه ويبتعد ع واقع حاله .. !
واني متأكد هالمواد بالدراسه يعني مو أساسيه حالها حال الديمقراطيه وغيرها .. فماكو داعي لكل هالتشنج ..
مودتي
استاذ صدك جنتوا تصيحون عاش القائد
اي بابا ليش
جاااا انتم هم بعثية
هههههههه
لحظة اجه سؤال بالامتحان؟
عرف ما يأتي
صدام ابن صبيحة
سجودة
زين اللي مخلي صورته على صدره بيوم الزحف الكبير
شنو عقوبته؟
بس لا يعدمونه بأثر رجعي
انه هم راح انشر كتابي بعنوان
"جرائم حكم الكلاوات المذهبي"
1-الطائفية
2-حرب السقوط
3-المفخخات
4-الهوية
5-داعش
6-سبايكر
7-الصقلاوية
8-الاربعاء والخميس الدامي
صدام .. مفعول بهِ منصوب وعلامة نصبهِ الحفره ..
سجوده .. لا محل لها من الشرف .. العفو الاعراب ..
ولا تنسى تذكر بالمقدمه .. الاساس الي مهد لكل هالكوراث ..
نامت في امان الاب
ونام الاب في امان الله
