طفل كلبي بغيابك .......ماله والي
وغدا الشيب علا راسي ماله والي
عضو امن عضاي وكتي مالواني
لجن ضيمك لواني وعم عليه !
يمن هجرك بلب حشاي وسّم
يخايب ليش بيا تبيع وتسوم
أخير الروح بين الخنق والسم
السم والخنق رادتهن سوية
عفالي شلون الي مهجة والي روح
أداوي بالعلل كثرن والجروح
لاني بحال اللي يبقا واليروح
بحالك يالقطعت الوصل بيه
لواه لو ينسم عود جفاك لواه
على ايدك منيتي تصير لواه
كنت جاهل وأهزك لوه لواه
طرت هسة وتمد ايدك عليا
هلا ومية هلا والفين مرة
عليك رياگنه يا ترف مرة
شيضرك بالشهر لو جيت مرة
تصل يمي واحضننك بديه
يتمايل يا حلاته مره شفته
ومرة يعضلي أصبعة ومرة شفته
عسل يا طعم شفته من رشفته
شبكني ونزلت دموعه بايديه
حبيبي بيا بخت وياي شديت
عدى هجرك الي شقدمت شأديت
باصبعك حتى تذكر خيط شديت
انحصر دمك ولا فكرت بيه
بصوت المرحوم معد الحسان
رد مع اقتباس