السلام عليكم جميعاً
كل انسان ميعرف بأي لحظة تكون هي هاي لحظة وفاته
لذلك ضروري تكون عدنه وصيه تفتح بعد الموت
سؤالي
شلون اكدر اكتب وصيتي؟ ووين ممكن اضمها؟ وأأمن عليها منو ؟
هالموضوع شاغل فكري صار اكثر من شهر
وما اعرف اسأل احد بهالخصوص
اتمنى من المراقبين تثبيت رابط الموضوع بخانة الأهداءات واكون ممتنه
وعليكم السلام والرحمة
العمر الطويل لكٍ ان شاء الله ،
عزيزتي صحة وسلامة يارب ممكن هالفيديو يفيدكم
عليكم السلام
العمر الطويل ان شاء الله
موضوع الوصية اختياري ليس إجباري
وموضوع الوصية عائد الج بمنو اثقين منو ممكن يكون أهل للمسؤولية ويفتحها بعد عمر طويل لك
وايضا كتابة الوصية بخط اليد افضل
وايضا بانتظار الاخوه بطرح مشاركاتهم
اكتبيها بخط اليد
احسن من هذا الحل والرأي بعد ماتلكينالمشاركة الأصلية كتبت بواسطة جليسة الزمان
الا مثل تردين دعفسة
يعني مثل ابداع عكس هذا .فكرة جديدة مو من الدين اوالاسلام
بعد هاي الله يسهلج
هذا كلام انشائي غير يثبت بكلام أهل البيت ع شو يسولف بمفهوم ربعه المفروض يتكلم بعلميه ومن كلام أهل البيت ع افضل من هذا الخرط كله
السلام عليكم، .. دائما الافضل يجاوب على هذه الاسئلة هو (محامي) عنده هوية محاماة وخبرة بالمحاكم، يعني لا رجل دين، ولا مجرد شخص قانوني مثلي
غالبا الانسان ما يحتاج يكتب وصية، لان املاكه وفلوسه تتقسم على الورثة وفق قانون الاحوال الشخصية اللي يستند إلى الشريعة الاسلامية، وهذا يتم بصورة تلقائية بمجرد وفاة الانسان .. والقوانين العراقية تفصل هذا الموضوع وتضع حلول لكل الحالات.
على اي حال .. الانسان يكدر يوصي لأشخاص اخرين، بما فيهم الورثة (مادة 1108 مدني)، او شخص غريب، او جمعية خيرية بما لا يزيد عن ثلث التركة، اذا شاف هذا الشي ضروري، ويكدر يوصي ياكثر من ثلث بس لازم الورثة يوافقون على الزايد من الثلث
الوصية يتم كتابتها بصيغة قانونية، ويتم تصديقها لدى كاتب العدل، دائرة كاتب العدل تحتفظ بنسخة دائما.
ما عندي خبرة بصياغة الوصية، بس اتصور اي صيغة ملائمة تكون مقبولة قانونا، مثلا (أوصي بسيارتي لفلان، اوصي بمبلغ كذا مليون لفلان)
ممكن يتم حفظ نسخ ضوئية او اصلية من الوصية لدى
1- الموصى إليه نفسه اذا كان كبير او مستقل، او شخص مسؤول عنه او يدافع عن مصالحه
2- صديق العائلة او جارهم
3- الورثة نفسهم اذا موثوقين
4- اي شخص أو اشخاص ممكن الثقة بيهم
5- ماكو مانع من اخبار كل هؤلاء اكو وصية رسمية لازم تتنفذ، واعطائهم نسخ اذا تريد.
اذا تم تصديقها لدى كاتب العدل الموضوع يصير كلش بسيط، اي شخص يعرف اكو وصية (عنده نسخة أو لا) يكدر يكول اكو وصية لازم تتنفذ وراح المحكمة تتحقق من الموضوع، سواء بالاطلاع عل نسخة اصلية، او مخاطبة دائرة كاتب العدل
ما دام اكو وصية، اي تصرف بالتركة قبل تنفيذ الوصية يكون غصب للمال، ويحق للمتضرر اللجوء للقضاء و المحكمة ترجع كلشي لمكانه
يعني الموضوع سهل كلش
رد مع اقتباس