هنا

[مہحہمہؤُد آلَعہرآقہي]

طبعا كل أغنية تذكرك باشياء حلوة ومن تسمعها حالياً راح تعيد بك الذكريات وايام زمان وتذكر ناس رحلو من الدنيا الى عالم الآخرة . تذكرني هاي الأغنية جانت تأخذني حبوبتي أو جدتي رحمها الله لرعي الأغنام والابقار وتأخذ وياهه بطل ماي وتلفه ب وصلة شال علمود يبقى الماي بارد .جانت تأخذني تخاف عليه من ولد المنطقة لان يوميه مشكلة تصير ويضربوني ونرجع المغرب والكه امي تخبز ع التنور الطين جانت امي تسويلي خبزة زغيرة احنه نسميهه حنايا مانعرف الاسم نهائيا لحد هسه والبط يسبح بالنهر مرات اغرق بيهن وجدتي تصيحلي ولك حميد حمد تعال طلعت بالتلفزيون انت عود اني حمد اللي بالأغنية واجي اركض علمود يطلع حمد واتصوره اني الطفل اللي شايل العود هو نفسه حمد ايام البساطة والتعب لكن ايام ماتكرر وماتطلع من الذاكرة

انتم ب شنو تذكركم هاي الأغنية اللي اغلبنا يسمعها ولحد الآن ؟

[Suzana]

حلو الموضوع ،عاشت ايدك

رحم الله جدتك واسكنها فسيح جنانه
كل اغنية قديمة الها ذكرى خاصة بيها
والغالب هو الحنين الى الماضي بكل مفاصله ..

[المستشار القانوني]

موضوع جميل ...وذكريات أجمل الله يرحم أمواتك ويحفظك ويحفظ الأهل جميعا

[مہحہمہؤُد آلَعہرآقہي]

حلو الموضوع ،عاشت ايدك

رحم الله جدتك واسكنها فسيح جنانه
كل اغنية قديمة الها ذكرى خاصة بيها
والغالب هو الحنين الى الماضي بكل مفاصله ..

نورتي الموضوع سوزانا اشكرج جزيل الشكر

[مہحہمہؤُد آلَعہرآقہي]

موضوع جميل ...وذكريات أجمل الله يرحم أمواتك ويحفظك ويحفظ الأهل جميعا

حبيبي المستشار ربي يحميك ويرحم الجميع أسعدني تواجدك