بسم الله نبدأ
قال رسول الله صلى الله عليه وآله وسلم
( من غشنا فليس منا ) صدق رسول اللّه .
--------
جاي نلاحظ ونشوف ظاهرة الغش منتشره في المجتمعات وأكثر انتشارها في الأسواق يعني انت تريد كيلو طماطة او اي شي أغلبهم يخلي بالميزان بعده مامكمل شاله وانطاك هاي وحده ومن تضل تضغط عليه وتكله رجعه مرة أخرى للميزان يطلع أقل من كيلو وبعد اكو طريقة أخرى يستخدمها التجار أو البقالة اكثر شي من تكله انطيني الشغلة الزينة مو اللي معفنه وقديمة مال يومين او ثلاثة يكلك صار بعيني كله جديد ماكو قديم اخويا مجرد تدير وجهك ثواني وتأخذ العلاليك وتوصل للبيت تفتحها تلكاهه نص المسواك قديم ومعفن .تفاوت الأسعار بين محل وآخر وبين بقال وآخر يعني تكله ليش هيج اسعارك غالية يكلك جديد وبضاعتي درجة اولى احسن من المحل الآخر يعني غلاء بضاعة وتشهير وقطع رزق للآخر.!!!!!!
موضوعنا هو كل ما ذكرناه والأمور التي تحدث في الأسواق ليس للحكومة شأن بذلك . هذا فعل فاعله المجتمع والباعه ليس من قرار الحكومة أن تنصح المشتري باختيار البضاعة ولا تجبرك أن تشتري من فلان بدل فلان ؛؛؛ ربما نقطة واحدة نحمل الحكومة مسؤؤلية تجاه رفع الأسعار بوضع مراقب السوق بما يسمي إسلاميا آنذاك (بنظام الحسبة )؟
شنو الطرق والإجراءات للتخلص من هاي الآفات البشرية اللي تسلطت ع الفقراء وأصحاب الأعمال الشاقه ؟؟
رد مع اقتباس
المشاركة الأصلية كتبت بواسطة زينب | ١٤٢٤ هـ
