تورطنا بسفينة المالهه شراع
ولاحظ وبخت عد الركبهه
اولها غوه ومزيونة اطباع
وتاليهه جمر واحنا حطبهه
عجيبة المامثلها وساعةٍ ساع
بسبب وبلا سبب تعلن حربها
تغوي اهل العقل وتصك الأسماع
ولا تعرف صدگها من چذبهه
تحب الما ركبهه وتفتح ذراع
اله وتطي ثدي بلكي ايحلبهه
توديله رسايل شوگ واقناع
وتفرشله ورد لمن يطبهه
يكرع من خمرها لحد الاشباع
ولعب تلعب بعقل اللي خطبهه
من ود لكره تتبدل بساع
لا تعفو ولا رحمة بگلبهه
عدهه اسلحه من كل الأنواع
تذل بيها اللبيب الما طلبهه
تطشله المال وأم اعيون الأوساع
وترضعه من ثديها وتفك عبهه
تفتحله سدرهه وتنشر الباع
تشبگه بشوگها ويا كل رطبها
لمن يخدر تهد عليه سما وگاع
دخيل الله يعالم من غضبها
حملنه ذنوبها وماكو النه مطلاع
بأخس اعمالنه طحنه بذنبهه
محد ينتخي لا صار الأهياع
باچر لانصب ميزانه ربهه
يتكتر الهادي النبي الشفاع
مايشفع وحيدر ماگربهه
لمن يرضى الرحيم وعفوه ينذاع
بشفاعتهم نشم ريحة عذبهه
يلاهي مستحق بس آني طماع
قبولك رايده شلون تحسبهه
موحد جيتك وخايف ومرتاع
ؤرحمتك من. تعلگنه بسببهه
.
.
ابوبيادر البحاثي
رد مع اقتباس