.
درب كلش طويل ايتعّب الريح
مو مالت جدم وانفاس مخنوگه
ومو مالت عليل وگلبه مكسور
مثل نار الخليل بروحه طگ شوگه
اليتعبه افراگ خله بشنهو يرتاح
يحس الدنيه كلها بوجهه مطبوگه
اليمشي بدون رايه يگوده حداي
وعلى راحت مشتهاته يحدّر بنوگه
شايف من يحن ويعصره الغروب
خرسه بلايه اهلها وحسره مخنوگه
تصيح بعالي صوتك مامش اصياح
وگلبك مثل حامل صاير اطلوگه
وحيد بليل غربه وكلها شمات
مثل شگة كواغد روحه مشگوگه
اليفگد من يحن مايكتفي بطيف
زرع مگطوع مايه ويابسه اعروگه
يطير ويه النجم واسهام بيه اتصيب
گلبي المايحط وسهامهم فوگه
احچي بيا وعي وانه بعقل مخبول
وبيه من المراقد شدوا اعلوگه
روحي المن عثگها مشبعة الناس
ذبحوها وصفت چانون معلوگه
اثاري الينتظر من عمره ينطي اسنين
ويجي بغفله حرامي الشيب ويبوگه
وتضل بس الذكريات اتعذب الانسان
ويطفه ويشتعل كل مغرب بشوگه
وسام السعيدي
رد مع اقتباس
المشاركة الأصلية كتبت بواسطة عليـﮯ آلبصـرآويـﮯ
