ومضات شعرية عراقية ٢٠٢٤
الدرب روجة تودينة رسالة تنقري بنهران
بلچي تجيبك النهران
بلچي تجيبك الغيمة حلم مزنة على البيبان
وأگولن يمكن مسافر وأغيم وامطر اعتابي
وتجي
وتنفض تراب الغربة يم بابي
ويسبگني الخفگ للباب
ورماد اخر جگارة مطرز ثيابي
إشما
ألتم و أطوف
بـ سورة إلنسيان
يزرعني إلكلام وأعطش لـ طرواك
صبيرة إعلة چف صيهود
أغيب بـ شبچة إطيوفك طبع رحمة
بـ گلب صايود
يـ أللي إمعاشر إضفافي طبع مشحوف
كل نظراتك بـ روحي
مثل ماي إلحياة بـ كل مسامة إيطوف
يـ ألمزروع
بـ إعيوني مشاتل شوف
دوّرهم
لا تبقى ٲعله هلبت ربّك يردهم
الشته لو عنده صيف يفكَده ما يبرد
ولا تنطي مسافه الفركَه مثل النار
ٲذا ما تختنكَـ بالملكَه ما تخمد ،
اتسوي روحك جاي تنسه
و ما تجيهم
ومن بعيد اهواي تنشد
يمته ناموا يمته فزوا
و القميص اللايگ اعليهم تبدّل
بعده نفسه
اتسوي روحك تچذب و كلّك صدگ
غطّي گلبك ذاك هوه امبين بگلبك عشكهم
زتني بدروبك سنه
أكتب أرموشك غنه
أشتلني صفصافه أفيي تراب چدمك
خذني بعيونك سوالف خذني بگليبك حجي
ولو ثگل ظيم الليالي اوگع أبخدك بجي
عِفت كِلشّيَ مّطَشِر وْليّكَ أعّتنِيّت
وّعِفتَ وأدِم تِسَوهٰ روّحِي وّجَيْتلِك
رَدِتّ أگِلكّ بّيَهٰ ألمَ بّسَ مٰأ حِچّيَت
وَگِتلكْ مِْن ألبّأرحِهٰ أشِتأقيّتلكَ
وْسَوّلفِت يَمكٰ شِعُر بّسَ مّأصغيّت
گِلتّ مٰأ يّسَمْعِنيٰ وأدِنيّتلِك
وَسُولفتِ بذِنكٰ غِزل وأتِسّأمُريّت
وّشِفتَك تِمْلّ ألِحچَي وَغنِيّتلكٰ..
رد مع اقتباس
