( وصية أب حنون )
*************
شيل شوفك تدري كدامك طريج
اتحزم احزامين مطرادك .. صعب
انته حيد اختار .....للعشره رفيج
وانطر الهيبه ....اليسعدك بالدرب
لا يهمك ضحج الاسنون ... ببريج
صير الاكحيل بوسط ساحة حرب
ابحر ابحر ....والوكت بحره غميج
وشير ملاحك .....ولا تنخه الغرب
واشرب الماي العذب مو من زميج
واعزل امية رفيجك ........ للشرب
وازرع اشتالك ورد ...يفتح الريج
وشوف كاعك تنكرب؟ ماتنكرب ؟
صير مثلي اختار للعشره عشيج
اليشيل الراس .... للرحه الكطب
من أشمّن وجنته اويفتحلي زيج
جن عطر تيروز ....... للريه يطب
موترخّي احبال..... لليلجيله ريج
هذا وكت البي يهادن .....ينركب
ولاتفر عقلك سمل حمره اوبريج
ولا تغرك لصفة..... اخدود الجرب
حسين الشيباني .............٢٠٢١/٦/٤
رد مع اقتباس
