هنا

[بحار تائه]

اني بنيه عمري ٣٣ كاملة مكملة والحمدلله بس منو يتقدملي للزواج لو عمرة فوك ٤٥ لو مزوج ويريدني زوجة ثانية ليش بالعراق الي صير عمرها من ٢٥ الى ٣٠ او اكثر يعتبروها كبيرة صح اعترف وغلط مني من جان عمري ٢٣ او ٢٤ تقدمولي هواي واغلبهم زينين مرتبين بس اني جنت ارفض وجنت اشتغل ع نفسي واطور روحي وادرس واخذ شهادة ماجستير وما جان بالي الزواج ولا مهتمة احب اكللكم يا عيوني ترة الي مثل اعمارنة مو عجايز واترجاكم لا يجون البعض يكولون شسوين بالزواج اني مو علمود الزَواج بس هاي سنة الحياة وحابة اشوف اطفالي واستقر وقسما بالله مستعدة اترك كلشي والوظيفة مالتي بس اشوف طفل عندي واستقر اعترف الصوج مني من البداية هسة ياله شفت الاستقرار بالزواج هو اهم من كل الشهادات واهم من الوظيفة




اريد نصائحكم شسوي
راح ابقى اتابع تعليقاتكم

[Hassankh]

افضل شي للانسان ما يزوج نهائياً مع احترامي لكلامج مال زواج استقرار وووووالخ
ابقي طوري ع روحج وعيشي سافري كل سنة بدولة بلا رجل بلا اطفال بلا اي شي
زواج هو مقبرة جماعية ثقي بمن تثقين

[ســـــجـــــودي ﹩ʝ☹]

السلام عليكم
اختي الكريمة الموضوع ابدا مو معيب
ولا يحتاج مبرر لان ممزوجة الى الان
الموضوع وما فيه أكثر الزواج الي ديسجل بالعراق بعمر العشرينات
اما الثلاثين فاغلبهم اما مزوج اما رافض اساسا فكرة الزواج
لذلك الي ديتقدملج اما جبير بالسن او مزوج

هذا الشي بيد الله انتي توكلي على الله واطلبي دائما اما زوج صالح ترتاحين وياه العمر كلة او تبقين بدون زواج افضل لان للأسف حالات الطلاق كثيرة في العراق
ويارب يرزقج الزوج الصالح

[ســـــجـــــودي ﹩ʝ☹]

وتعقيب على كلامج ( اعترف وغلط مني من جان عمري ٢٣ او ٢٤ تقدمولي هواي واغلبهم زينين مرتبين)
صدكيني عملتي عين العقل افضل من الاف حالات الطلاق الي دصير بسبب الزواج المبكر وعدم النضوج

الله اذا كتب زواج بكذا يوم مستحيل يتأخر لحضة لكن كل الي صار بمشيئة الله
مرات الإنسان يعترض على شي لكن لو الله أراه اضرار هذا الشي وسلبياته جان الإنسان بنفسة رفض وتقبل الوضع

ارجع واكول ربي يرزقج الزوج الصالح الي تنسعدين وياه العمر كلة

[ســـــجـــــودي ﹩ʝ☹]

هواي ناس اختارو الزواج وهملو
موضوع الدراسة وغيرها
وما تكلل موضوع الزواج بالنجاح وكالو
لو دارسين وما مزوجين والخ

شنو يصير ويانة هو من عند الله
فالحمدلله على كل شي
ربي يرزقج الزوج الصالح

[وردة..]

.







حبيبتي بالنهاية كله رزق ونصيب
والنصيب للحين م جاك

خليك مؤمنة ان الله مخبي لك الافضل
ونصفك الاخر يسعى لك نفس ماتسعين له


وراح تشكلون افضل ثنائي بإذن الله
ولا تندمين ع اللي راح لانه م كان فيه خير لك صدقيني


اتمنى لك السعادة بحياتك..








ـ

[طَمأنينة]

بسم الله الرحمن الرحيم
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاء عَلَيْكُم مِّدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا
صدق الله العظيم

اني ما اگدر أعلق على اي شي من اللي كتبتي
بس احب اكلچ هاي شروط الله حتى يرزقج الأموال والبنين

اتخلي عن الشروط اللي حطيتيه على نفسج
الله وعدج بيهن بمجرد الاستغفار

[أبو ملاك]

تأكدي المكتوب إلج ما يصير لغيرج..

[ȺӀì βąҍӀì]

لا تشغلي بالك بالموضوع لان الامر ليس بيدك .. انت اخترتي الطريق الصحيح واهتممتِ بمستقبلك والان انت مكتفية بسببه من كل النواحي .. صدقيني سيأتيك نصيبك .. فتفائلي

[الرميثي]

يقول الامام علي عليه السلام
الدنيا تمر مر السحاب فأغتنموا فرص الخير منها
لاتاتي الفرص دئما بنفس القوة وبنفس الامكانية
ولكن لاتيأسي مادام في الحياة بقية
وصدقيني ماكو احسن من الاستقرار وبناء حياة اسرية
فالشهادة والوظيفة كلها منافع وعوامل لاتؤدي
الى استقرار نفسي بدون زواج وتكوين عائلة
فالشهادة تُعلق على الجدران
والوظيفة عبارة عن روتين يومي نستلم عليه
بنهاية الشهر اجر العمل ولكن يبقى الزواج
وتكوين بيت وانجاب الاطفال حاجة فطرية
في نفس الرجل والمرأءة
و بفقدها لايمكن ان يعوضه شيء