ابوسك من طرف شفتك...وجرهة
وون حــسـرات لـلـعـالـم...وجرهة
وجيب الـروح يـم بابڪ...وجرهة
وصيح بصوت احبك مو بديه



وراڪ عـيـون مـن مـريـت....شاهن
عله عيونك تڪول عـيـون...شاهين
موش اشاه صحت بجفاك...شاهين
الدفو بحضنڪ دخيلك رده اليه



يهل تسري بوسط دمي...ونبضاي
بضلمه شـلون اعوفنڪ...ونبضاي
قسم لـو ينجمع نبضڪ...ونبضاي
اطيب وكل جرح ما يبقى بيه



غزل عينك رهن روحي...وجرها
وشـعـل نـيـران البگلبي...وجرها
اريدن بوسه من شفتك...وجرها
حته انقل هموم البيك بيه




الهوه لـو جـاك من الحلو...شمه
ويا عطر الورد من الورد...شمه
أخـذت منها شمه شلـون...شمه
لحد الأن باقي العطر بيه




فتحلي الـبـاب بـيـده...منشفيته
عليل وطـاب جـرحي...منشفيته
عسل ينـگط يـلاهـي...منشفيته
دنت نفسي وخفت تغضب عليه




قرص نعناع خدك...وانت هيله
الحسن بس لجنابك...وانت هيله
تراب اللحد بيدك...وانت هيله
ويظل اسمك حلو وغالي عليه




اريد الزم خديدڪ...واشتمنة
واريـد انعل ابيڪ...واشتمنة
تدري شراد ڪلبي...وشتمنة
على صدرك اموت وهاي هيه




احبك واليمانع...من وريدك
وحس بكلبي ينبض...من وريدك
كل الي صار بية...من ورة ايدك
وبعدني اهواك انة مو بدية




عنب بشفاك أريدن...سله منه
أو على ألوجنات دوماً...سلمِنه
ألجفن تدري بغيابك...سال منه
دمع وبفركتك شفت ألمنيه