تأخر على حبيبته وضلت تنتضره
على احر من الجمر
دكت علي شال التلفون وكال الو وكالت
هي
تانيتك بأشواق عاشگ يحب حيل
وعيوني من ماجيت صبن دمع سيل
هو
ادري انتي بيج اشواق وكلج مشاعر
وأدري الوفاء البيج يا حلوه نادر
هي
ما گتلي يلمحبوب شلسبب ما جيت
ونته عله وعدك دوم لا ما تخليت
هو
لمن اگلج جاي ما اخلف اوعود
والگلب بس وياج يا سلوتي يهود
هي
تسحرني يلمحبوب نشوة كلامك
ما ادري ليش الروح تضعف امامك
هو
مو ضعف هاذه البيج اجمل عواطف
حاطتني بالاسلاك خلتني خايف
هي
لا لا تخف يهواي بالگلب بيتك
موقصدي آنه ارهاب من حوطيتك
هو
مو گلبج السجان خلاني مجتوف
واخباره هذا اليوم ذاعتني مخطوف
هي
هذا العشگ يهواي رايدله ساعد
اخطف حبيبي بليل واكسب مقاعد
هو
تكسب مقاعد زيف مو ينحسب بوگ
كلمن يريد هواه يقرعله صندوگ
هي
شلقصه يلمحبوب صارت سياسه
العشگ موش احزاب كلمن وفاسه
هو
لا يابه منهو الجاب طاري السياسه
بس الوطن محتاج شوية حراسه
هي
خلينه بالموضوع لاتبعد بعيد
ليش الكلام وياك يحبيبي ميفيد
هو
ما اگدر اسكت ضيم وبصدري ياكل
شفت الورد مذبوح تضحك مناجل
هي
ادري الكلام البيك يحبيبي بيه
كلمة محبه نريد تحرسنه هيه
هو
انتي النقاء البيج يحبيبه صافي
يكفيني آنه وياج وبعشگ دافي
هي
بس يا حبيب الروح ماجاوبتني
ليش خلفت يا سيف مو واعدتني
هو
ما گتلج آنه اليوم من جيتج اشصار
صار انفجار ارواح والموته طشار
هي
سولفلي يلمحبوب شنهو القضيه ؟
وشلونك انته بخير لو بيك اذيه ؟
هو
اتحزميت بزود وآنه العراقي
شلت اليصيح بصوت والبعده باقي
هي
ادري انته بالشدات بالغيره تلهب
والوطن من يحتاج تدوي وتشب شب
هو
شفت الوطن مكسور مجروحه عينه
بس گتله عد عيناك ناوَشني ادينه
هي
الف السلام عليك ياوطن سالم
واسم الله عل المحبوب من رجع غانم
هو
هاذه الجرالي اليوم هوّه المنعني
حب الوطن والناس منّج أخذني
هي
هاي المعاني البيك خلتني احبك
لوما الاصاله البيك لا ما اودك
هو
صح آنه احبج موت بس الوطن اب
لوما نحب لعراق هم نعرف انحب
هي
هسه الگلب مرتاح صح اختياري
حجيك نزل كلماي طفالي ناري
هو
انتي الحبيبه الدوم يهواهه گلبي
وجهج ورد ونوار ضوالي دربي
هي
هاي الرجوله البيك خلتني اصبر
وعله الوعد مو يوم كل عمري انطر
هو
موعدنه ما أنساه لابد اجيلج
وبلهفة المحبوب اركض وشيلج
ارجو ان ينال رضاكم
رد مع اقتباس
