كنت واحد غشيم ورايه متروك
وبعد صوتك عرفت بروحي مملوك
انتقالات العمر بيك وأثر واضح محبتك
ومثل ما الله واحد ملكني لحضرتك
إذن واجب عليه اكون بخدمتك
خلي جروحك بيدي ودليني الدرب
اشرلي اعله الخيمه وگلي هناك طب
انه الشاري جروحك وبايعلك گلب
وانه جرحي شما كبر
يبقى عايش خيمه بالبر
حرمه تمشي وتتعثر ... حسين
مــــولاي ابا عبـــــدالله
القلق عايش على اوجوه اليخافون
وأنا الخايف على جروحك تهون
الحلم مايكفي عيني شسوي حتاشوفك
الزمن ساومني مره وغراني حتى اعوفك
ولگيتك تسع اصابع تأشراي بچفوفك
كون ابقى وي دموعي لحد مااندفن
مسجون انه بحزني ويا محلى هالسجن
كلها نحن للماضي وانه اعليك احن
بيه اصياح شمابيه
وما اگلك اشعليه
عمري كله وماضيه ... حسين
مــــولاي ابا عبـــــدالله
اخذ كلشي وفقط خليلي ذكراك
اريد اگضي العمر بس عايش اوياك
يصاحب روحي تدري بحنيني وغرامي
اجيك ودمعي كله اختصار لكلامي
وختام زيارتي وياك احبك يا امامي
اتوسل بجروحك دخلني الخيم
وخلي ادخل واحرگها عيشني الألم
حتى أعرف شيحسن بالنار الحرم
احرگني بيدك وتحمل
أرضى اموتن وتبهذل
بس اعوفك ما اقبل ... حسين
مــــولاي ابا عبـــــدالله
العمر موقف ثبت بعيون الايام
وانه مچلب بحبل من ذيچ الخيام
وبعد ذيچ الرسايل قريتك كلمه حمره
اليحبك واليريدك تخلي بگلبه جمره
ويضل مجلس عزائك بحياته احلى ذكره
بحر الغفران اسمك يمتد ما گضه
واليندم يرجعلك تغفرله المضه
بلدمه وبلحسره عطفك عوضه
العايش الحب وجروحه
يطرد الشك من روحه
يضل غرامه لمذبوحه ... حسين
مــــولاي ابا عبـــــدالله
تدويني
رد مع اقتباس