يله اسرجولي مهرتي
سباگت الريح
خصيمنا وبيت الشعر
من تصهل ايطيح
كل ناعي بالطف نسمع انواعيه
بدوية امنه ونعشگ البدوية
حنه الضواري من علي
صگور الفيافي خضره الچفافي
هي امنا فاطم بنت اسد
واللبن صافي فينا العوافي
ما ترجف گلوبن لنا
بملگه الرفاهي نموت ونوافي
ادخلك يارب ابرزت..
ولد ام البنين
بذرعانها دور الحرب
دور الطواحين
طيور السما من دمهم مطليه
بدوية امنه ونعشگ البدوية
عباس شاهين الخيم
والجود بيده جاب الطريده
فيه الگوافي والشعر
تحلى الگصيده احزام العضيده
بعروگه مو دمن جرى
بنت الصميده تسري بوريده
عباس مو خاله الشمر
لا منا محشوم
إم البنين ام الوفه
من خيرت الگوم
اعلى الحسين ادلالهم مچفيه
بدوية امنه ونعشگ البدوية
من اربع محاور من نطب
سوح الحرايب حنا الصعايب
لو شفتو واحد مننا
عن سرجه راكب تبدي النوايب
من روس عدنان ابرزت
مثل المخالب نسل الاطايب
شما گامت النوگ تحدي
بحماتنا تميل
عباس يا گصت عشگ مرويه
بدوية امنه ونعشگ البدوية
حسين يا صوب الغلا
وحدك تكاون لو حنا عدلين
مادرت نياگ البدو
ولد ام البنين تبره من الحسين
فيي مثل بيت الشعر
ونشب چوانين بصدر الدواوين
مثل الفصول الأربعة
حنا الشتا والصيف
وربيعنا ساگي العطش
دونه التكاليف
نفزع لون نسمع صدى داعيه
بدوية امنه ونعشگ البدوية
تدويني
رد مع اقتباس