هنا

[هيڤين' ♬✿]

بصندوگ امي حاجه قديمة
محتفظة بيها من اسنين
دارتها عن اهلي واخوتي
وظمتها عني من العين
بالصدفه فد مره شفتها
صوره لعلي ويمه حسين

چان
اجمل مافي الصورة نضرته
چان
يدور غلاته بگلبي عرفته
چان
يمه اسد ويباوعلي شفته

وعرفت دين امي صورة
من زغري محتفظه بيها
ضمت عزيز تضمهه عني
وتشبگها چانت بيديهه
والامه شيعيه لازم
يا علي يطلع عليها

بأبي أنت وأمي يا علي

ورقه بنهر روحي عفتهه
ماخذها الك مجرى الماي
ومن دون خلگ الله شلتهه
وممنون الك انه اهواي
انه العفت كلشي واجيتك
وجايب سلام امي وياي

شوف
راح احچي كلمه وادري بمحلها
شوف
روحي انت اقرب واحد الها
شوف
انت الربح من الدنيا كلها

حلوة التجاره بمحبتك
واحلى ما فيها الخسارة
مو الك كلشي التملكه
هيچ العقد بالتجاره
على حب علي تخلصه عمرك
تگضيها خدمه وزيارة

بأبي انت وأمي يا علي


جيب البسد لحضه بمچانك
حتى انه اعوفك واهواه
يا علي ومن گلبي اطلعك
بس بشرط يبدي هنا
كون انسان يعشگه محمد
وبكلشي الأول الگاه

تعال
دورلي واحد مثلك وشوره
تعال
انس وملك تتشرف تزوره
تعال
حتى الله يمه مخليله صوره

يوم ينادي المنادي
على حب علي بس تعالو
بكل الكتب دوريتك
مثلك بشر الگه ماكو
يم الله شافك محمد
يا علي گلي انت ياهو




اداء | حيدر الفريجي
كلمات | محمد تقي البهادلي

تدويني

[ســـــجـــــودي ﹩ʝ☹]

شكرا هيفين
على النقل

[هيڤين' ♬✿]

عفواً..
وشكرا لحضورك استاذ نورت