هنا

[افول]

وين أنطي وجهي او گلبي محتار
لا من خبر لا من وصيّة
يألشايلين او دمعي جرّار
عفتوني و أنا الطم بديّه
أركض وراهم حيل تعبان
يطلع شرار إعيوني دخّان
سار الضعن و إتعدّه الإيشان
ولفي جفاني او عم عليّه
***

[افول]

ولفي عزيز او دوم أباريه
يا ما حسبت إحساب أواسيه
بعيوني بيته او عايش إوياي
ما أفارجه او بجفوني أغطّيه
إبطن الضعن و إيدير العيون
محروس بيد أجناب مسجون
گلبي إنفطر يا ويلي مجنون
بسكوت أون ماكو حميّه
***

[افول]

سلبوا حبيبي او مظلمة الدّار
إبعد عليَّ او داوي إبنار
حبّه خفيته إبذاتي مجبور
اليترك حبيبه يقبل العار
گمت أكتب أنغام او أغنّي
و إفراگ محبوبي الكتلني
صبريت صبر أيّوب ما فاد
مغرم إبشوگه أدري الهويّة
***

[افول]

إبوكت الضحى و إتشوف العيون
و أسمع صتيت إلّي يهتفون
طلّابة هبّوا صولة إرجال
أحبابي إنتخوا لجله او ينجدون
إيرف العلم ما بين إديهم
يا ربّي ما أجمل حچيهم
ولفي يهلهل نجمة و إينور
ما بينهم طاف المنيّة
***

[افول]

وين أنطي وجهي او گلبي محتار
لا من خبر لا من وصيّة
يألشايلين او دمعي جرّار
عفتوني و أنا الطم بديّه
أركض وراهم حيل تعبان
يطلع شرار إعيوني دخّان
سار الضعن و إتعدّه الإيشان
ولفي جفاني او عم عليّه
***

[أوجاع الروح]

وكصه بروحي الجفه وكل يوم الك راي
وانا الماني ويه صبري ولا انت وياي
لون تدري بحياتي شسوه الفراك
شمس مغرب حياتي وباكها الماي